Ngintombi kamalume

Ngizalwe ngakhula umama eyisigqila sendoda emhlophe
Ukudilika kwamaconsi amanzi emkhathini bekukhomba
otapolo kuye
Ukubhamuka kwenhlamvu yelanga emkhathini bekukhomba
umakarabha kuye
Ngoba mihla namalanga bekumele awulime umhlabathi,
ngoba mihla namalanga bekumele ewuhlahlile umoba

Uma ngihlafunile ngagwinya mina yena ngokomphefumulo
usuthi
Uma ngidlile noma yena engasadlanga udlile
Uma engidlalisile ngamamatheka nenhliziyo yakhe
iyamamatheka

Kepha ngike ngacikica amehlo ekuwavuleni kwami
ubeseshabalele phambi kwamehlo ami, ngike ngagebisa
ikhanda ekulivuseni kwami ngithole engasekho phambi
kwamehlo ami
Ngithe uma ngikhala ngimemeza igama likamama abaziyo
balokhu bengitshela ukuthi angithule uyothenga
amachips uyabuya

Kodwa udadewabo kababa owahlulwa umendo ngimzwile
enyenyezela umakhelwane ethi 'esaphila wayethi
uzongcwatshwa ngani le ngane ayishiyile izokondliwa
ubani?'

Wagcina ephahlukile 'namhlanje kuzofihlwa umfazi
kamfowethu, namhlanje kuzofihlwa umama ngizobona
ngizosala nobani?'
Bangalokhu bengifundekela ngokuthi uzofihlwa kodwa
bebe bebusy bemucindezela ngamatshe nenhlabathi
ngoba ofihliwe uphinde avele, uphinde atholakale kimi
lo ngeke aphinde abonakale, emqondweni ngeke aphinde
akhohlakale

Umalume washiywa udadewabo, mina ngashiywa umama
Kumalume mina ngaphenduka unkosikazi, kumalume mina
ngaphenduka intombi
Mina ngintombi kamalume, mina ngunkosikazi kamalume

Alukho olwamahhala uma ezizwa ehala konke kimi ukwenza
mahhala
Mhlambe ukube umama usekhona angabe angisona isigqila
socansi
Mhlambe ukube umama usekhona angabe angisona isikigi
sokuchama sikamalume
Unyaka nonyaka ngibeletha ingane imbeleko emhlane,
imbeleko esifubeni enye ingane esiswini

Umalume washiywa udadewabo, mina ngashiywa umama
Kumalume mina ngaphenduka unkosikazi, kumalume mina
ngaphenduka intombi
Mina ngintombi kamalume, mina ngunkosikazi kamalume

Abazibiza ngo 'anti' bahambe befafaza bekhwifa amazwi
adungekile emphakathini bathi mina selokhu ngafelwa
umama sengihamba ngiyenga amadoda ngibuye ngizobafuqa
ngezingane

Uma ngithi ngifuna ukugonyuluka ingonyuluka kuthiwa
ngizomulandela owangizalayo
Nami ngithule njengoba kwayimanje kukhona okuthi
angithule mhlambe kukhona abazosho ukuthi sengibhale
inkondlo
Ngoba ukuze ngisuthe kumele nginwebele umalume imilenze
ukuze ngilale ngidlile, ukuze angiholele ipuleti


Ningibuke ningigcine ngoba namhlanje olwamanqamu
ngilandela obangizalayo, laba abathathu engibazalayo
ngizobaklinya baze bagqashuke imiphefumulo
Ngoba uma ngibashiya umalume uzothola amakhosikazi
Ngiyazibulala mina umalume uzofelwa inkosikazi,
umalume uzofelwa unkosikazi

Umalume washiywa udadewabo, mina ngashiywa umama,
Umalume wathola unkosikazi,unkosikazi kamalume
wazibulalakanye nezingane zabo, umalume wafelwa
unkosikazi
Mina ngintombi kamalume, mina ngunkosikazi kamalume

Musa ukungixhopha ngezinyembezi

Ngiyazi kukhona owangithwalayo
Ngiyazi kukhona owangizalayo
Kodwa mina ngizaliswe okwechwane lenyoka
kwathiwa lendlela enameva amthuqasi angiziphendlele
Ngoba owangizalayo ungikhiphe wathi angizibonele
lamahlathi ngizigawulele nalezizimbokodo ngiziqhekezele

Mina angimazi owangithwalayo, mina angimazi
owangizalayo
Mina ezami izindebe azikaze ziliphimise igama
elithi mama ngaphandle kwalabogogo abangahoshelani
nomhlaba ababuya nobaba emajoyintini njalo uma
kushona ilanga

Namhlanje 'mfana uMa wakho lo' nangakusasa omunye
'mfana uMa wakho lo'.
Nabo phambi kwamehlo akhe banweba imilomo athi
angafulathela bangitshele ezinhlamvini zamehlo
ukuthi bona abanakubizwa ngomama ingane yomunye
umfazi, bona abanakuklewulelwa ingane abangayazi

Mama ebusheni bakho mina bengiwumlando omdala kodwa
manje ngoba ususethunzini lokufa sekuthiwa mina
angizokubona angikubize ngomama ngoba wena manje
usuyakhala

Sssshhhhh thula umsindo udedele izindebe ziphimise
okunesisindo
Musa ukungithela ngezinyembezi, musa ukungixhopha
ngezinyembezi

Wena uncamele ukungilaxaza phansi ngoba ujahe umendo
nongithole phansi awumushiyelanga imbeleko
yokungibeletha kodwa wena ubukwazi ukubeletha
izingane zomyeni wakho
Wena awungigonanga mina, awungifudumezanga mina
awungithulisanga ngikhala mina kodwa ukwazile
ukushushuzela okungezona ezakho
Okungezona ezakho zikwazile ukuphimisa igama elithi
mama zilibhekise kuwe
Kodwa wena manje usuyangibihlikela

Sssshhhhh thula umsindo udedele izindebe ziphimise
okunesisindo
Musa ukungithela ngezinyembezi, musa ukungixhopha
ngezinyembezi

Kulombhede olele kuwo inyama yomzimba wakho ngiyayibona
isinamathele emathambweni, umphefumulo ngiyawubona
uklebhukile izindebe zakho zicela uxolo kimi
Ucela ukuba ngikusule izinyembezi kepha wena
ungangisulanga ezami

Sssshhhhh thula umsindo udedele izindebe ziphimise
okunesisindo
Musa ukungithela ngezinyembezi, musa ukungixhopha
ngezinyembezi

Lezi zinkondlo sisazozidedela

Mhla abahaya izinkondlo bagqashukelwa
amazwi lezindonga zodilika lezimpande
ezisabalalisa ugqinsi lwamampunge zozimbuka
abanye abosala benyewula imilomo bophimisa
amazwi anopete ngoba lezi nkondlo sisazozidedela

Jikijela izindlebe zakho njalo uma imbongi
ikufunza ithi fumbatha mumatha ekwaziyo
Thula ulalele uthandanise izindebe ungabuzi
imibuzo eminingi njengoDelaila efuna ukudayisela
amandla kaSamsoni abaFarisi
Lola izindlebe unambithe ubumtoti bamazwi kuhle
kwezaguga ezimbili ziqeketha ezamzukwana
zidangele ngengomuso labantwana babantwana
babantwana babantwana babo

Ngoba mhla afifiyela la mazwi wofuqwa
ngemfishimfishi yamagama agwegwile onkamisa
nongwaqa abagqagqene nokuyikho
Nawe unqekuzise ikhanda uthi yikho ze
usabalalise okungeyikho esizukulwaneni
esidukelwe okuyikho esifumbethe ukhondolo
lokugagula okungeyikho ngokuyikho okuyikho
kuthiwe lokhu okungekho

Mhla abahaya izinkondlo bagqashukelwa
amazwi lezindonga zodilika lezimpande
ezisabalalisa ugqinsi lwamampunge zozimbuka
abanye abosala benyewula imilomo bophimisa
amazwi anopete ngoba lezi nkondlo sisazozidedela

Thula ulalele ucishe umkenenezo kwimfonomfono
kungalalelwa umsindo wakho esikhundleni sofanele
Iyeke ingqangqazele ekhukhwini ungayiphenduli
umthameli agcine engumthameli
Ngokuthula kukhona ongakulalela, ngokulalela
kukhona ongakuzuza kokuzuzile kukhona
ongakulondoloza
Ngikhuluma ngemigomo yobuntu engashicilelwe
kodwa elandelwa abantu abanobuntu

Mhla ngifa, mhla ngilalayo

Umzuzu, usuku nehora angikwazi
Mhla umphefumulo wami ugqashula
ubudlelwano bawo nomzimba kwabanye
koqhilika izidlathi kwabanye kungenise
imifula yezinyembezi zokukhalela
ongasekho kumbe ukukhohlisa abakhona

Mhla ngifa mhla ngilalayo

Phezu kwesidumbu sami angidinge fakazi
oyofafaza ubufakazi obungungqimphothwe
nemisho yamagama anofufunyane
Fakazi fakaza amazwi ayikho ngalokho
ebengiyikho ungaze ungivimbele indlela
Okubi kuhlale kungokubi kugqitshwe nami
okuhle kusalele abanodosi lokuncela
emthonjeni woju lokuphila kwami

Mhla ngifa, mhla ngilalayo

Makungabongwa engikwenze ngisaphila
ngingabongwanga ngisaphila
Izimpisi ezivathe izikhumba zamagusha,
oJuda nabaFarisi bakwahlaba baqhele,
bahlehle bahlelele amadimoni amile
ukubo amanye amatargets enzondo

Mhla ngifa, mhla ngilalayo

Mfundisi shesh'udede udedele izimbongi
zisine zidedelane ngokuba ziyawazi
amavesi ayiwo zingawacaphuna namazwi
afanele umufi
Zihlobo zegazi nomoya nize ningasikhihli
isililo ningaze ningivimbele indlela yami
ngamanzi anosawoti

Mhla ngifa, mhla ngilalayo

Eyami indima ngobe sengiyihlakulile
esele isalele abasele
Umphefumulo endaweni yawo, inyama
endaweni yawo seyobola kukhohlakale
ukuthi kwake kwaphila ogama lakhe
lingefaniswa nelomdlwane

Wena umdala kunawe

Kusukela phansi engqakaleni kuze kuyoshaya
okhakhayini siyakwazi uyazazi useyingane wena
Abazali abakuzalayo bayakwazi usemncane wena
Uyihlo nonyoko wena bakubiza ngengane wena
Kepha ngezenzo nokucabanga kwakho umdala wena

Siyakwazi useyingane wena kodwa wena umdala
kunawe

Wena ezakho izindebe kudala zizihlanganisa
nezindebe zabanye
Uma kuthiwa umzimba uyawohloka njengesihlahla
esishaywe izulu lo wakho angabe usubolile
ngoba lo mzimba uyabazi abaningi uyakwazi;
okuningi
Lo mzimba uswele igunya lokuhlubuka kuwe ngoba
ubudlelwano bawo nokuqonda kwakho bunyantuka
amanyala
Ngawo wena uyangenisa, kuwo bonke bayangena,
kuwo konke kuyangena

Siyakwazi useyingane wena kodwa wena umdala
kunawe

Kade wawulala, kade wawulala kade babekulala
Emlonyeni kade wawugwinya uma kuthiwa umphimbo
unephimbo angabe sizwa isikhihlo sesililo
sokubhibha kwamanxeba ayizibazibazi

Siyakwazi useyingane wena kodwa wena umdala
kunawe

Kuwe bashiya okwabo wena ulahlekelwe okwakho
Ongenamoto usnayi onemoto owakho angathi
wazalelwa efront seat
Ubona amadoda kobaba abanoshukela abashiye
amakhosikazi nezingane ezingangawe emakhaya
kodwa wena unesibindi sokulala nendoda
engangoyihlo kodwa thina

Siyakwazi useyingane wena kodwa wena umdala
kunawe
Thina sikwazi wena umncane kunalokhu oyikho

INCWADI KAMTAKWETHU UNOBUKHAZIKHAZI

Bukhazikhazi obukhazimula ngikhangeke ngithe
angithathe uthi lwami ngiklwiklwize kulesi
sigqejana sephepha ngidilize izindonga
nezindinduma zenkumbulo ephuphuma enhliziyweni
yami
Ngithe angiklwebhe ngidicilele uketshezi la
inki kwelimhlophe ngicikicele othandiweyo
usweaty my dululu wami

Ngithi angikwazise ngenkumbulo esingidle yaze
yakhumbula ukuthi uma ingiqeda wena wobuye
ukhumbulwe ubani
Nomzwangedwa awusezwa wodwa ngoba sekuze
kwananela ngisho izintaba namaguma ngoba
amehlo ami asesichithela kuzo isizungu akanti
ibona laba abangisithele wena

Angazi noma ngithi zintaba zikude umasithela
yini ngoba lezi ezingisithile ziseduze uwena
okude
Ngoba nakuzo kumile nezihlahla bonke badudene
ngokungisithela wena; mtakwethu

Like lithi uma seliyidliva lishubisa nomkatsha
ngifise ukuba wena ungathintwa ngisho iconsi
lemvula kumbe ngisho amakhaza awodwa
Ngike ngifise engathi abezokugodolisa agodolise
mina ngigodole ukugodola kwakho nokwami wena
uthokomale ufudumale

Bukhazikhazi obukhangayo ngikhumbula ngisakucela
eqhikizeni ngaphambi kokuba uze kimi ngiqale
ngigeze indlela ozonyathela kuyo ukuze uthuli
nameva bangazimatanisi nawe
Ngikhumbula ngisageza ngihlambulule amazwi ami
ngaphambi kokuba ngiwaphimise ukuze angalimazi
izindlebe zakho

Ngikhumbula ngisakukhuzela ushikile
nangesikhathi ungikhophozela ubopha iduku
amafindo amathathu ngabonga udaba wase uthi
akengikhe iqabunga egatsheni lokugcina
esihlahleni nami ngabhayiza ngajeqeza izihlahla
ezisikakile kanti wena ubuthi angithi manqa

Leli duku eliphephezela kithi kaHlomuka uma
isibonda salo siwohloka sengoya kwaNdukuzabantu
bangikhulumele nabakhiqizi bethusi bangigixabeze
ngesibonda sensimbi lime okwangunaphakade phela
leliya elikaNobukhazikhazi onobukhazikhazi
bangunaphakade

Lonke uhlobo lothando oluphila la emhlabeni
olwethu kulo somacaphuna kungasali… soshiyela
bani uma kusala mtakwethu ungasabi bamba
ucikicane wami ungasali
Uma siwa mina ngizowa kuqala wena uwele phezu
kwami ungalimali

Uma kuthiwa sisaphila endulo sonke isizwe
angabe siguqa kuwe ze usikhiqizele uthando
Ngisho amakhosazane emvula uMabel’amade
noNomkhubulwane angabe baguqa kuwe

Kodwa ngoba siphila manje mina ngikhonza
kuwenake uma unyathela kukikiza amaqabunga,
izimbali zivukwe umhobholo zimile upete
ushiye ilanga liphethwe ufufunyane
nezinkanyezi zififiyela

Phela mina uma ngingase ngithintwe ilezi
zindebe zakho ngeke ngiphinde ngizidle
lezinto ezinoshukela ezingoshokoledi
namavanilla ngoba zonke zikhiqizwa izindebe
zakho

Minake nguNgidi uHlomuka olwethu luvalwe
ngesimbelambela sengidi
Ngiyazi uyababuka nje laba abangibiza ngaleli
gama labangathandwa
Ngoba angikho eduze kwakho lelipheshana
engilithumele selongidlulisela yonke inkumbulo
nemicabango yamajukujuku okujula kwenhliziyo
yami

NGEKE UKUTHOLE UKUPHILA

Mina ngudadewenu ungumfowethu wena
Mina nawe siyimikhiqizo yemizimba
nemiphefumulo yababodwa
Mina nawe savundla esiswini soyedwa
izinyanga ezilinganayo
Mina, mina ngudadewenu wena
ungumfowethu

Kodwa wena ngomzuzu owavukelwa ngawo
izinkanuko kwasuka engqondweni yakho
ukuthi mina ngudadewenu
Wena ngomzuzu owavukelwa ngawo
izinkanuko wacatshangelwa yizo
nemizwa yobunyala wabona ukuthi
mina kuwe ngintombi

Ngendluzula ummese entanyeni,
isibhakela ebusweni, iminwe ephentini
umphambili esithweni kimi ngasese
Mhla ... mhla izinkanuko zigculisa
omunye komunye zinamathisela amanxeba
nezilonda zanguna phakade kakade kuze
kube phakade

Kimi wena ukuthathe konke ukuphila kwami
Kimi wena ukuthathe konke ukuzethemba kwami
Angabe kungcono ukube wathi uwubeka nje
umcondo wakho kwamhlaba wabe ufa kunokuba
uphile uphilele ukubulala abaphilayo

Nalaba abasizalayo uma ngibatshela
bayakuphikela bathi mina wena
ulunge kabi ukuthi ungaqoqobala
mina ngiyakusukela
Nawe uphika nabo yize unembeza
uvuma kanye nokucabanga kwemicabango
yakho

Kodwa wena ngeke ukuthole ukuphila
uma mina ngisaphila
Wena ngeke ukuthole ukuphefumula
uma mina ngisaphefumula
Ngiqalekisa umzuzu engazalwa ngawo
ngincamela ukufa; okungcono ngizibulale

Sengihlulwa imicabango mhlambe ukucabanga
okuhlula mina noma imina esengihluleka
ukucabanga
Mhlambe kufanele ngike ngithule umzuzwana
Ngibona kufanelekile ukuba ngithule lo
mthwalo nalo mphefumulo ngunqamule
Sala wena uphile ngihambe mina ngiyophila

Bonke bangifulathele nabangibukayo
ngemiqondo bangifulathele bangikhomba
ngeziphundu bathi sengaba yisidomu
empilweni sengawa ngamabomu
Nawe uyafakaza uyafafaza ngami
Mina usuyangisinda lo mphefumulo,
Lo mzimba usungumthwalo nakimi
kimi njengenja encinzwa amazenze
uma ngibona wena ngifikelwa yisiyezi
wena uyisinengiso ekuphileni kwami

Uma kuthiwa nginalamandla owawasebenzisa
kimi bengizokuklinya lesitho ocabanga ngaso
Wena kimi akuhlukile ukuthi ungibhokode
ngomkhonto waqede wangibuka ngigqiha
umphefumulo ugoloza ukuphuma

Kodwa wena ngeke ukuthole ukuphila
uma mina ngisaphila
Wena ngeke ukuthole ukuphefumula
uma mina ngisaphefumula
Ngiqalekisa umzuzu engazalwa ngawo
ngincamela ukufa; okungcono ngizibulale

Mfethu sengiyahamba, ungidlulisele lo
myalezo kwabasizalayo
ubatshele ukuthi sengihambile sesohlangana
phambili uma kuhlanganwa ngicela ungangilandeli
Sala wena nabo nonke niphile ukuthanda kwenu
Kuphila kwami ngoba wena ufe uphila asihambe
nawe

Mphefumulo wami ngoba ukuphefumula kwakho
akusaphefumuli ngoba kuphefumula kugcina
icala nqamula ubudlelwano bakho nomzimba wami
Mlenze khahlela ibhakede ntambo ungisize
ungagqashuki bangisize bangakugqashuli
ungakawuphothuli umsebenzi engikubekele wona
Wena ungakhali uma sengifile; wena ungangibuki
kumbe ungithinte ungasondeli ngisho ukusondela
lapho sebengimboza ngenhlabathi

Mhlaba ngiyaqhaqhazelisa

ukubhaku bhaku bhaku ... ukubhakubhakuza
kwenhliziyo yami in collaboration with ukuzwa
kwemizwa yami sobabili siphethe imaster keye
sogqekeza lenhliziyo yalento ... kazi egoloza
ukungi crowner for sure namhlanje mntwana
uyangiwisela

Eeeh bafethu kunalomabebeza othe uzongibamba
although ubesesho okwesi -7
Uma ngingase ngibanjwe uyena ngingashintsha
igama
Uma ngingase ngibanjwe uyena ngingazishaya
zonke izinkomo esiyabayeni sasekhaya ngiyolobola
ngazo kubo kodwa kukhona azobuya nayo
Kuyonake angifune ngisho oyedwa ozongiphikisa
nesiZulu siyasho'ohlaba eyakhe akaphikiswa'

Uma angase angangibambi sekosebenza ibhodlela
elincanyana elibhalwe ngamagamana amancanyana
"sibuyisa isithandwa sakho ngo 2days"

Hhayi ngoba bengimsaba ukuthi bengisanqena
ukumkhulumisa
Hhayi ngoba bengimsaba ukuthi njengembongi
bengisabudgetha amapunchlines okumshela
Benginibuka nje niya kuyena niyomushela
nizingela insimbi ngamalengiso
Kodwa mina angiphelanga moya njengomfundi
wase TB Davis e-appealela iDP

Musani ukungibhe...dedede bhedela aniboni
ngigudla nesipatsha lesi isibabane ngoba
mina khona khona kholwa imina khona lona
engizomshela
Kodwa hhayi manje ngoba ngise-sober
Ngizokubamba uma sengibudlile;
uma sengiplakile

Minake nguMlalazi uHlomuka ngakithi kusadlalwa
izinduku nami uma ngiza ngakini ngizophatha
induku ngiyimise ithi mpo ingasheshe iwe ...
khona ngizobashaya kahle abangisukelayo
endleleni

Olwethu uthando ngeke lufane nalolu lolunye
uquqaba luzoba advanced
Uma sixabana soxabana igxabano eromantic uma
sihleka sihleke uhleko olusexy eeehihi

Musani ukungibhe...dedede bhedela aniboni
ngigudla nesipatsha lesi isibabane ngoba
mina khona khona kholwa imina khona lona
engizomshela
Kodwa hhayi manje ngoba ngise-sober
Ngizokubamba uma sengibudlile;
uma sengiplakile

Kodwa nawe uyangixaka selokhu kwathini
udealer nomuntu oyedwa niyahlukana
niyabuyelana,niyabuyelana niyahlukana
nihlukane nibuyelane, yini kodwa ngani?
Yini ndaba ningasale senihlukana unomphela
wena ubuye uzohlanganisa la ngakumina

Mina nawe uma sihamba sizohamba njengezita...
tanyiswa
Cabanga nje mina nawe sesizikhiphele kwenye
ingoja, hhayi eGugu Dlamini, wena ugqoke
ushesh'amnike ongacelanga asheshe anikwe
ngithi uma ngismila nawe usmile ngibuze
ukuthi usmile lani ngoba ayikho into
esmilisayo

Phela wena awufani nalo mngani wakho omuhle
...less othi uma bemushela ngesiNgisi ngoba
vele ziyamusalesalela ngoJoji usale esevuma
konke eh? oh yes, yes yeses

Musani ukungibhe...dedede bhedela aniboni
ngigudla nesipatsha lesi isibabane ngoba
mina khona khona kholwa imina khona lona
engizomshela
Kodwa hhayi manje ngoba ngise-sober
Ngizokubamba uma sengibudlile;
uma sengiplakile

Ngilambile

Yabona mina ngimina, mina ngimina
angiphili njengawe ngoba wena uwena.
Mina ngiphila ngokucela kwabanakho
nawe onakho
Nina aningiboni mina ngifana nani ngoba
njalo nina uma ngicela nina nithi mina
ngiyisicefe abanye benu bangikhwifa
ngamathe uma bengibona bathi ngiyanyanyisa

Abadala uma behamba nabancane abancane
bangikhomba ngeminwe bangibuke banyanye
bathi mina nguhlanya angisile
Abadala ababakhuzi laba abancane,
abadala bavumelana nabancane bathi
mina ngigqoka okudabukile angishintshi
ngiyanuka

Kodwa mina bengithi kukho konke eninakho
bengicela ungiphe okuncane onakho
Selokhu kutheni angidlile; ngilambile
Izikelemu ziyangiluma ngilambile
Ngicela ungiphe okuncane onakho

Nami bengifisa ukuba nekhaya uma lina
liduma ngingene endlini
Uma kubanda ngingene phansi kwengubo
Uma ngilambile ngidle ngisuthe
Ukuthi umama ukupatanise kanjani ukudla
kodwa mina ngingalali ngingadlile
Nami bengifisa ukudlala nabangangami
ngibabize ngabangani bami ngikhulume
ngomama wami mhlambe nangobaba wami

Kodwa akubanga njalo ngoba ubaba
esikhundleni sokuthi athenge ukudla
ekhaya ubethenga utshwala;
esikhundleni sokuthi asondle ubondla
amanye amadoda emajoyintinikodwa uma
ebuya ekhaya ubekufuna ngendluzula
ukudla

Ubehlale efingqe amaqupha izibhakela
zakhe besezakhe ubudlelwano nomzimba
kamama
Kuye ubesethole ipunchbag kithi
ubesethole amabhola okukhahlelwa
Kodwa uma seyiphelile imali sebudamukile
notshwala ubesiqoqa sonke athi thina
siyizingane zakhe uyasithanda umama
umfazi wakhe uyamthanda

Mina ngihlulekile ukubekezela ngabaleka
ekhaya
Ngikhuluma nje angazi yini noma umama
nabafowethu basaphila mhlambe
isiyabahlafuna lengwenya engabashiya nabo;
mhlambe seyakhonkotha yaze yabadla lenja
yegovu engabashiya nalo

Mina ngifuna ukubuyela ekhaya nami
ngiyafisa ukubuyela ekhaya ngoba nina
ningibiza ngamagama okungesiwona awami,
uma ngikhuluma akekho ongizwayo
nabadakwayo bathi bangcono kunami,
abanye kuthi abahlanze baphalaze uma
bengibona
Nina anazi mina angizenzanga ukuthi ngibe
njena, mina angithandi ukuba njena

Mina kukho konke eninakho bengicela
ningiphe okuncane eninakho.
Selokhu kutheni angidlile;
ngilambile.
Ngilunywa izikelemu; ngilambile
Ngicela ungiphe okuncane onakho

Ngoba nina nithi thina uma nisinika
imali thina sithenga insangu ngicela
unginike ukudlake
Mhlambe leyonsangu iwusizo kimi ngoba
ingizibisa indlala nosizi olwakha
izinsizi emqondweni

Wena uma okwakho ukudla ukuthola ebhodweni
mina okwami ngikuthola uma wena usudlile
watshinga
Wena uma okwakho ukudla ukuthola epuletini
okwami ngikuthola kubhangqwe nokubolile
emgqonyeni

Kuthi hlanza phalaza nje uma ungibona
mhlambe eyakho ngomuso izobe ila,
mhlambe eyakho ngomuso izobe icela njengami,
isisu sayo silunywe izikelemu njengami
Shhhhh ... thula wena ngane enekhaya esuthi
awungazi ngilethwe yini la nami nginengqondo
nemizwa njengawe, umzimba nomphefumulo
thula wena ngane enekhaya esuthi wena
awunakukhuluma ngami wena awazi ngami tshela
lohamba naye ukuthi

kukho konke eninakho bengicela ningiphe
okuncane eninakho.
Selokhu kutheni angidlile; ngilambile
Ngilunywa izikelemu; ngilambile
Ngicela ungiphe okuncane onakho

NEMBEZA UNGANGIPHIKISI

Wayedalile ukuthi amudalile akhukhumale
asindwe
isisu izinyanga eziyisishiyagalolunye;
kodwa emunye
Wayedalile ukuthi amudalile emva
kobuhlungu akhiqize imizimba yabesilisa
nabesifazane kuye; kodwa emunye
Azondle zisuthe emunye zibuye zize kuye
uma sezikhulile
Zizomchapha ngenhlamba zimkhombe ngeminwe,
emunye
Ezikufunayo zikufune ngendluzula kuye,
emunye

Owesifazane ongizalayo mina ukubekezela
nesizi kuye kungumthwalo obethelwe
Owesifazane ongizalayo mina emunye
ukhulelwe wakhulisa ingasekho le ndoda
eyafika yagculisa izinkanuko zayo
yakhulelisa kodwa yangakhulisa yanyamalala
yaqhubekela phambili yakhulelisa
yangakhulisa

Laba abaningi lo emunye bayamxova
bayamgxobagxoba bambiza ngokuningi
nangamagama amaningi
Ngisho nabafowabo nodadewabo abashiyela
ibele bamdibi munye nabangaphandle
bamchapha ngenhlamba bayanxapha babuza
ukuthi ekabanike lentombazanyana
ayikhulisayo?

Yize bengayitholi impendulo kuye kodwa
sebephume nesiphetho bathi wayiqwayiza
nabangamazi bathi bayamazi uyabhayiza
bayavumelana ehhe wayiqwayiza
Kepha akabaphenduli, imikhonto yamazwi
abo imugwaza ngaphakathi kodwa izinyembezi
akazikhipheli ngaphandle ukhalela
ngaphakathi

Hhayi ngoba amehlo akhe esakhathala
ukukhiqiza izinyembezi selokhu akhulelwa
uyadlokodlwa uyaxakaziswa mhlambe
izinyembezi izona esezakhathala ukuphuma
emehlweni akhe
Banxaphe, bamthuke, bamthuke banxaphe
bamchaphe kodwa akangakhala uma luphumile
unyembezi alesule lesuke laba babuke idle
ngakho ehhene bahleke

Njengenja edla amaqanda sonke isikhali
sijikijelwa kuye
Njengengane ehhushuliwe ukukhala kwakhe
kuzwiwa uyena kuphela
Njengomnikazi wesilonda esibhibhayo uyena
kuphela ozwa izinhlungu zobovu obuphihlika
kuso
Njengodlwenguliwe izinhlungu zomphefumulo
nenyama zihlangana kuye zikhiphe izinsizi
zosizi engekho ozomsiza

Umcabango wokuzibulala kuye ungene waphuma,
waphuma wangena wacabanga ihluli lomzimba
nomphefumulo ongaphakathi esiswini kuye
akazange azibulale zaphika izinseka
Waziphothula izinyanga eziyisishiyagalolunye
akazange ayiphonse emgqonyeni kumbe
ayihhushule isikhathi sayo singakafiki
wayiqamba igama lo uMbali ulama uMphumeleli
uzokhula aqhakaze.

Zimbili indodana nendodakazi ubucu obuhle
obuhamba ngabubili naye uzojabula uma
ngelinye ilanga sezikhulile engasondli
sezimondla

Kepha akubanga njalo izifiso zasala
ziyizifiso zomfisi
Esikhundleni sokondliwa namhlanje uyena
owondla leli bhokisi nabathamele lomgwcabo
ngoba namhlanje

Kulomgodi kuzogqitshwa udadewethu
Kuleli bhokisi khona umzimba kadadewethu
Ngalentambo nami ngiyazilengisa
ngiyamulandela
Nembeza ungangiphikisi
Nembeza ungangiphikisi

Nembeza nembeza uma wena unonemeza
ungangiphikisi wena nalaba abathamele
lomgcwabo nina anazi ngaye mina ngiyazi
ngaye
ningangiphikisi ngoba nonke nihlangene
ukuzogqiba yena
Ningathi umafungwase wakithi uzofihlwa
ngoba ofihliwe uphinde atholakale lo ngeke
aphinde abonakale kumina ngeke aphinde
akhohlakale

Ningalokhu nifafaza amanga la nithi
ubesebiziwe ngoba omubizile ubengeke
amubize ashiye mina
Ubengeke amuzwise izinhlungu amugwaze
ekhanda ephindelela
Ukube umama wayazi wayengeke angilamanise
Kungcono ukube wamane wafa engakazalwa
ngingamboni

Mina mina mina ngifuna ukumemeza igama
likadadewethu
ngifuna ukuhleka naye mvuseni ulele
ningamugqibi uzophuma kanjani uma esevuka,
mvuseni ulele mvuseni

Kulomgodi kuzogqitshwa udadewethu
Kuleli bhokisi khona umzimba kadadewethu
Ngalentambo ngiyazilengisa
Nembeza ungangiphikisi
Nembeza ungangiphikisi

Kodwa ngoba beningeke nisamyeka isikhashana
ngihlale naye ngimkhuze uma eqoma esemncane
sixabane athi umama umthetho wazo izingane
ezilamanayo
Ngoba nikwazile ukumbulala yena engashongo
minake ngiyazicelela ngicela ningibulala nami
ngizonilekelela vulani ibhokisi ngilale eduze
kwakhe nivale nisigqibe sobabili, ngoba nina
niyagqibana nisigqibe sobabili ngoba

Kulomgodi kuzogqitshwa udadewethu
Kuleli bhokisi khona umzimba kadadewethu
Nami ngiyamulandela ngalentambo ngiyazigqashula
Nembeza ungangiphikisi
Nembeza ungangiphikisi

DUDUZILE MY FOHLOZA NGIZOKUBAMBA

Ngikhiph’unyawo ngidle uqhafaskontshi
nodelela for sure lezi ezikanokusho ake
ngisho please call ngiyakuthanda- iZunglish
Sisi bengithi ngicela ufonele ungiyakuthanda
Yabonake manje sengizulelwa ikhanda
njengomfundi wakwa engeeneering ehluleka
ukusolva u- x

Ngizwile ukuthi nibuyelene nale ex yakho
Nkosazane i-ex ilokhu osekudlulile ungadlali
laba abalokhu bethi amanzi aphinde ame lapho
ake ama khona; amanga ayiqiniso lawo
Wena qinisa la kumina uzozuza olweqiniso

Kahle kahle hhayi ngoba mina ngikushela;
mina angisheli ngiya applaya kodwa njalo
wena uma ngikubuza ukuthi ihamba kanjani
i-application yami njalo ungitshela ukuthi
the application is still pending

Mtakwethu,sdudla sami ngizokushayela
iround ntambama ungangibhekiselike phansi
Namhlanje elamanqamu
Duduzile my fohloza ngizokubamba *2
Duduzile my fulukuhlu ngizokubamba

Okungapheli kuyahlola kodwa okwenu nale
'o' yakho kuyaxaka
Niyahlukana, niyabuyelana, nibuyelane,
nihlukane
Yini ningasale senihlukana unomphela?

Uma ungase ungiqome ngizohamba ngiqholosha,
ngichoma uma ngikhuluma nawe ifoni ngiyibeke
kuloud speaker phela nawe uloud … ngobuhle
Uma ngingase ngibanjwe uwena ngingabhala
inkondlo ngesingisi ngigunde imbungculu
or isithwalaphishi wena ushaye ibaca bese
ngikh'ihlamvu lokugcina esihlahleni
Bazosivuma sosiphatha isitayela babie
... eehihihi

Ngiyabezwa belokhu bethi umnyama kodwa mina
angikuboni lokho ngibona idarkie, lendoni
yamanzi
Noma bengalokhu bezixaka bethi uyimbalakaxa
uma uza kumina awubonakali noma ufulathele
noma ubheke ngakumina anginendaba noma
bengathini uma ufikile nje kumina sofikisana
Nayi ingulube inginonela bo

Mtakwethu sdudla sami ngizokushayela iround
ntambama ungangibhekiselike phansi
Namhlanje elamanqamu
Duduzile my fohloza ngizokubamba *2
Duduzile my fulukuhlu ngizokubamba

Lendaba isingaphezu kwamandla ami kodwa
akusiyona impicabadala phela thina zisasha
sisebasha ziyasha kusho ukuthi impicabasha

Ngizokucall backer uma sengikandawo please
call engoja
Uphume nama extension uthi uyoluka uzobe
usungifica engoja

Mtakwethu sdudla sami ngizokushayela iround
ntambama ungangibhekiselike phansi
Namhlanje elamanqamu
Duduzile my fohloza ngizokubamba *2
Duduzile my fulukuhlu ngizokubamba

MUSA UKUNGIZULISELA

Majita lo mntwana ngiziqalele yena ningamnakile
Kodwa manje ngoba sengizivusele seniyamlandela
Ngiyabona nina nifuna ngize ngihlanganise ikhalenda
ngisingili
Kanti umthetho wenu nifuna ngize ngiqonywe nini?

Okushukuthi njengenjwayelo kulo my sister ngiyaluza
futhi?
Ngiya give upper phela mina ngeke ngiyimele
lecompetition
Phela nina nicharma ngalamabhulukwe enu
anamaphakethe amaningi, izikibha ezincane nesiNgisi
Vele naye ziyamusalesalela ngoGeorge ukuze agqibe
ukuziqhenya usale esevuma konke
Oh …Yes. Yes
Yeses, ngisenkingeni la, hhayi ngiyaliphosa ithawula

Kodwa wena musa ukulokhu uzenza isihlinyane
Tshela inhliziyo yakho ukuthi ayiyeke ukulokhu
ingimamathekela
Wena uyagcwala musa ukulokhu ukungizulisela

Njalo ulokhu ungitshela ukuthi bathi abazali bakho
lolu thando asingalwenzi ngoba kuzohamba kuhambe,
kuhambe bese kwenziwa enye impambosi
Wena kanti awuyifundi yini imove banomona akanti
nabo le mpambosi bayayenzayenza
Mabebeza musa ukungizulisela uyalaz’udaba azishe

Ngoba wena angathi une experience kulegame
yomathandana mina ngisagijima amagames
kanil nil kushukuthi uma uke wathi, nami ngathi,
sathi akumina ozokhokha inhlawulo kodwa
uwena uzokhokha … idemeshe.
Phela mina ngizobe ngidlala igame yami yokuqala
idebut, ifirst appearance

Kodwa wena musa ukulokhu uzenza isihlinyane
Tshela inhliziyo yakho ukuthi ayiyeke ukulokhu
ingimamathekela
Wena uyagcwala musa ukulokhu ukungizulisela

Ngoba ulokhu ungizuliselake sengizithathela mina
izinqumo
Ngiyanimema nonke emshadweni kaSgwadi
noNtomb’iyazulisa, ningazifaki izikibha zepolitiki
Awunaye noyedwa umntwana kodwa uyabezwa laba
balokhu bethi unyathela ngabantwana so i-advice
engingakunika yona ukuthi ungabashelisi ngoba into
eziyicabangayo lezi ntwana ukukutholisa umntwana
Kodwa mina engikucabangayo ukuthi ungagodoli
ngoba uma kuke kwagodola wena imithambo yami
ephakela igazi enhliziyweni imane iphathwe istress

Kodwa phela nawe ungabi nesikhwele ngoba
uzozibeka egcupheni yokuthi njalo ngilokhu ngikukhwe…
mhhu mhhu uthi kengithule futhi vele uyalaz’udaba

Kodwa wena musa ukulokhu uzenza isihlinyane
Tshela inhliziyo yakho ukuthi ayiyeke ukulokhu
ingimamathekela
Wena uyagcwala musa ukulokhu ukungizulisela

UDADEWAMI

Lo udadewami
Uyintombi intombazane njengamanye
amantombazane kodwa yena akakabi
intomb'azale
Ubhekile naye uzibhekile laba
abanamehlo agovozile abacatshangelwa
imizwa abambhekile yena akababhekile

Usengaphansi kwesandla sabo; isandla
sakhe, akakamdingi ozoba ngaphansi
kwesandla sakhe ngoba uyakuqondisisa
ukuthi ozalwayo akahlelelwa izinkanuko
ezikhiqiza utalatiya lenzukazikeyi
uhlelelwa omuzalayo

Wamukela lokho anakho akaziphilisi
njengabanakho ebe engenakho

Udadewami. Wami mina ... udadewami

Njengemidlwane esasazelwe baya kuye
ngesivinini ngethemba lokudl'ubhedu
kodwa bafike bafice imbedumehlwana
yenkanankana yo-'angudlali umdlalo
womaqomana mina'
Umjita ushelwa amazwi aze akhohlwe
abekuzele
Ukhuluma aze aphinde nabesekushilo

Uma ucharma kuye uyazama ncese
akathathekanga lawo magama akho
kuzozusiza ukuthi uyowagcwaba mhlambe
aseyovuka kwabafileyo athathe;
aseyothatha kothathekile
Owami ukuqoma akusiwona umdlalo kapacman
Okwakho okubizayo, nokwakho okubizayo
lokho okwakho akubizi yena

Udadewami. Wami mina ... udadewami

Umzimba wakhe akusiwona owokukhangisa
nokutshengisa
Ugqoka aphelele okuphelele mhlambe
ingakho nasebuntombini bakhe esaphelele
Uhlala njengentombazane akanwebi imilenze
kungaze kuhlukumezeke impahla

Ufundisiwe ukuthi angagovozi aqothise
amadolo alahle imilenze ze bangalokothi
balahlekele kuye becabanga ukuthi
okuvezekile emiqondweni yabo kulahlile
ulahlile

Unolwazi olunqand'ikhanda lokuthi othi
mtwana womtwana wami kuye
uyingcithabuchopho ngokuphindiwe kunalo
othi mntwana wami kuye...
mina ngisho udadewami

Udadewami. Wami mina ... udadewami

Uyakwazi ukugqashula okufanele kokungafanele
Okufanele endaweni yakho...okungafanele
endaweni yakho.
Uyazi ukuthi ucansi akulona elabafanelene
kodwa elabafanele ngesikhathi esifanele

Impakamo nokuzazisa akuzinzile njengenzika
emanzini acwebileyo kuye
Inhlonipho yakhe akayilondolozeli idlanzana
angathi ngayo utax'intela ngoba ufundisiwe
ukuthi akuze umuntu aze abe owakini
ukuze abe ngowakini

Owami ungumlandeli nomlaleli wemiyalelo
nemithetho yabazali ingakho engakalali
ezazi engakazali

Udadewami ... wami mina ... udadewami

NGIMBONGI NGONDLA ISIZWE NGAMAZWI

NgingumZulu ngobuzwe, nginsundu ngokohlanga
Ngunkunz’emnyama iyazisaba izithole
Ngunkunz’emnyama nangeshoba layo
Isishimane ngisabisa ngeziqu zokushela
“Hawe ongishela nami”
Uyabonake manje usungiqalela inkinga
Angisheli ngiya advicer, anginyatheli ngiyagxoba
Pibipu Pibipu basop basop dedendleleni
Ngifak’uforward ureverse udukile dlala s’shimane

Umzali namuhla akuseyena umlawuli, umhlengi nomhleli
Kodwa umthetho sisekelo iwona osewaphenduka umzali
Iwona lomthetho sisekelo osekela ukuqhibuka ngesivinini
kwentsha engahloniphi, osikhwili uphambana nobhoko,
umhlambi kazalusile nokhanda lingitshel’okwakhe
Hho! Yeka amandla esambane sona esimba umgodi
Singawulali.
Seziphushana izinyevu phambi kwabo bazothini
nangu uBill noConstitution bagxamalazile

Okwamabhodlongane uma kuke kwamila intshetshana,
Imilenze yomaskito le, kuzibona ukuthi sekwamadoda
Uma kukhuluma nomuntu omdala sekumane kuvuse
Izinhlozi.
Kuphenduka amaxhegu kukuncane kanti kudlala
utshwala nezidakamizwa uma kukhala ibhungezi
kukhalele kwimboza namagumunxa.
Hheyi zakhala kazehla kulegeneration yegenerations
noglomobi yanamuhla
Nayinsumansumane imbedumehlwana kodwa sobona
nawa amehlo ekake umbombo

Okwamantombazanyana uma kuke kwahlosa kuzibona
ukuthi sekuyizintombi kugcwal’umgwaqo kuhambe
kutshikiza neziketi ezingaphelele kufun’ukushelwa
Ba attenda amaklinikhi ngokungenamkhawulo kulandwa
imithi yokuhlela ngoba kujahwe ucansi ongayithathanga
imithi uyamitha
Ukumitha nokumithisa sekwaba sesitayeleni
kuyancintiswana ongenayo ubizwa ngenyoni
wekibhi wake eyangakini engaka?

Ngimbongi ngondlisizwe ngamazwi kusutha onendlebe
kulamb’ihlongandlebe nawe lol’indlebe ngizokufunza
Ukuthi uzwile noma awuzwanga kodwa ngishilo
Ukuthi ulalelile noma awulalelanga kodwa ngishilo
“Musho” – uba?
“Akaqedwa” – ngike ngamqala yini?
Ukuthi uzwile noma awuzwanga kodwa ngishilo
Ukuthi ulalelile noma awulalelanga kodwa ngishilo

Emicimbini yokuzijuxuza ikamphelandaba kufike
kudliwe izidakamizwa kudakwe umuntu nemizwa
yakhe kujuxuzeke umqondo bese bevele beyayidedela
umzimba uphenduke umazitapele kumithwe izingane
ezingahlelelwe nengculazi kanye-kanye

Ubutabani bunyuka ngesivinini njengama DVD
omkokotelo emakethe
Woza 2010 kuzoshushumbiswa izingane ezincane kuthiwe
azidayise ngocansi athenge amadoda.angangobaba bazo

Ngeke ngisaqeketha ngiqephuqephuze isiZulu nomZulu
singabaZulu ngingawuzwanga uwats-up dawg yeah dawg
Noma ngabe liyana kuyabanda it’s cool dawg yeah dawg
Umzimba ula ingqondo iseMelika
Bese omnyama ehleka omnyama emhlekela ukuthi
ubhidilisha ulimi lwabeLumbi angathi ukwazi isiNgisi
kusho ukuthi uhlakaniphile
Noma ungazishintsha
isikhumba njengalomfana wakaJackson ubumnyama umnyama
ubumhlophe umhlophe ayijiki uma ike yajika iyashayisa

Zingqengqengqe ijalukile Zulu ingculazi imbubhiso
ayilibheki ipali
UMdali usewaphenduka u-Alfa kuphela ingculazi u-Omega
Abanye ayibazingeli ibona abayizingelayo bakhuzwa mihla
namalanga kodwa abezwa bashaya skuni bacathi boguga
namagxolo njengezikhuni

Ngimbongi ngondlisizwe ngamazwi kusutha onendlebe
kulamb’ihlongandlebe nawe lol’indlebe ngizokufunza
Ukuthi uzwile noma awuzwanga kodwa ngishilo
Ukuthi ulalelile noma awulalelanga kodwa ngishilo
“Musho” – uba?
“Akaqedwa” – ngike ngamqala yini?
Ukuthi uzwile noma awuzwanga kodwa ngishilo
Ukuthi ulalelile noma awulalelanga kodwa ngishilo

Inkosi ibe nawe

Ebuhlungwini nasekuhluphekeni okukukhungethe
Emabhandeni enzondo asebewabophile
Amanzi abakubilisela wona nezibopho eziboshwe
izinhliziyo nemiqondo ekhonza uSathane
ngithi sithi bathi

Kulezozinhlungu ezikuwe nathi zikithi
UThixo akusikelele, inkosi ibe nawe
inkosi ibe nawe

Yize sikubeke ezinhliziyweni zethu sicela umusa
kuye abanye bethu izinnhliziyo zabo zilele
unyendle bakufisa ufile ngemiqondo sebembe
negodi lethuna bakugqiba nezinhlelo zomngcwabo
sebezidwebile ngawe sebeqedile njengob'ugula
kubona usufile

Kulezozinhlungu ezikuwe nathi zikithi
UThixo akusikelele, inkosi ibe nawe
inkosi ibe nawe

Uzibona usebumnyameni angathi ulahliwe,
umphefumulo unqanyuliwe, umzimba ubolile,
ukuphila kuphelile nomzuzu olandelayo ufuphele.
Thina sisazophila sihambe nawe
Kulowombhede wethunzi lokufa qin'isibindi sinawe
beka ithemba kuye

Kulezozinhlungu ezikuwe nathi zikithi
UThixo akusikelele, inkosi ibe nawe
inkosi ibe nawe

Qina ndlovukazi emanxebanxeba,
nkosazane emdwayidwa
nxusa lezingelosi emhlabeni, ngadlangadla
yenzalabantu
Uzobizwa usubiziwe ngeke ubizwe bekubiza
Kulelo thunzi lokufa awulahliwe usazovuka
ngiyakuthanda kholwa yimi

Kulezozinhlungu ezikuwe nathi zikithi
UThixo akusikelele, inkosi ibe nawe
inkosi ibe nawe

UKUBE NGANGAZI NGANGEKE NGIKUSHELE

Ngiyazi uyazi ukuthi ngiyazishaya ngawe ngoba
ngihlale ngikubuka kodwa asisbukani ngoba uma
kuke kwaqondana amehlo mina mina ngibheka le
kanti kade ngikubuka ngesikhathi ubheke le

Uma kuke kkwaqondana amehlo ngimane ngicabange
ukuthi mhlambe seziyasha ngaloluya daba
engakukhiphela lona ngaloya date
Angithi usakhumbula ngesikhathi ngesikhathi
ngithumela iskimu sami kuwena ukuthi
bangibikele udaba lwami kuwena, bafika kuqala
bona mina ngafollower "yebo uqinisile umfethu
hhayi njengoba eseshilo nje umfethu nami ngihamba
phezu kwamagama akhe"

Namhlanje uma ngihlangana nawe uhamba nabangani
bakho ngimane ngiswele umgodi wokucasha phela
niyaxoxana nina for sure usubatshelile ngami nami
sengiyasaba ngiyababona bayangibona ukuthi angathi
ngiyashishiliza

Sebeze baphenduka nama experts nama-analysts kulolu
daba lwethu.
Bangi anylyser ukuthi ngihamba kanjani ngigqokani,
singafanelana yini uma singase sikhiyane nokuthi
khona ukuqonywa ngake ngaqonywa yini noma
ngizofundela la kuwena.
Isilingo phela lesi angazi noma nabo
bangi-aftile yini?

Nkosi yami ngaze ngavelelwa ukube
ngangazi ngangeke ngikushele

Uma ngike ngahlangana nawe noma usuhamba wedwa
uma usekude ingqondo ithi ulahlile for sure
ngiyadlala namhlanje.
Uma ususeduze angazi konakalaphi ngike ngizibone
sengidonsa icell ngi-answer amacallz angekho.
Ngizithole sengikhophoza kuhle komjita oqala
ukuvalwa ingane endlini

Uma usawubona ekwazile ukuputshuka phakathi
kwemithambo namamuscles ovalo wena wavuma
angilali ebusuku angathi sengilishayile ikhanda
noma ngicwayiza sengimane ngizithole
ngiphuphupha wena
Yazi kuthi angikuvulele icala phela wena
uhlukumeza ilungelo lami lokulala sleeping
abuse phela le


Nkosi yami ngaze ngavelelwa ukube
ngangazi ngangeke ngikushele
Kodwa nawe uvelelwe ukube
uyazi angabe uyangiqoma

Amehlo ami alazi lonke ingaphandle lakho,
istep sakho, ishape yezindebe zakho uma
umamatheka,
Uma ufUlathela ubheka le ifocus igxila kumamoves
esingezansi... ngisho izinyawo.
Kodwa ingqondo ilazi lonke ingaphakathi lakho
Iwazi wonke amakhona, obus stop nakamphelandaba
e-ICC Arena yakho.ICC! Hayi sisi kushukuthi bengase
ngibanjwe uwena ngingangena ngiphume ezintweni

Nkosi yami ngaze ngavelelwa ukube
ngangazi ngangeke ngikushele
Kodwa nawe uvelelwe ukube
uyazi angabe uyangiqoma

Uma usuzwa inhliziyo yakho ishaya kancane ubokwazi
ukuthi ngisuke sengicabanga ngawe ngamandla
Phela wena uma kuthiwa ubuhle ihhotela wena angabe
uyi 5-star hotel ngiyasola wonke lamacelebrity
aseHollywood okuthiwa manhle abubolekwa uwena
ubuhle
Ozame naleskimu saseBollywood phela

Nkosi yami ngaze ngavelelwa ukube
ngangazi ngangeke ngikushele
Kodwa nawe uvelelwe ukube
uyazi angabe uyangiqoma

Uma ngikubuka angazi noma ngizothi imodel etsha
yini yakwaLimborghini noma mhlambe uBm usekhiphe
iX10 kodwa uma ngibuka lolu olunye uquqaba
ngimane ngibone ama E20 nama1400
Ngiyabona sekufanele ngihlale ngiphethe iSakhamuzi
nogambu ngoba njalo uma ngibona wena ngehlelwa
iCD4counter.
Uzocathi ngiyaphupha besengikubamba ngempela

Nkosi yami ngaze ngavelelwa ukube
ngangazi ngangeke ngikushele
Kodwa nawe uvelelwe ukube
uyazi angabe uyangiqoma

LE NDODA INGIBIZA NGEDODANA

Ngoba sengumungaka ake nibhekeni
lendoda ingibiza ngendodana ithi ingubaba
Baba ubukephi sonke lesi sikhathi?
Mina angiyazi lendoda

Owesilisa oye ocansini nowesifazane owesifazane
wakhulelwa wakhiqiza umzimba nomphefumulo ophilayo
ubizwa ngokuthi ubaba owesifazane kuthiwe ungumama
Ubaba akuyena ubaba ngentshebe nokuqhosha ngoquqaba
lwezingane kodwa ebe engazondli, engazithandi

Kusukela ngazalwa mina umama ubengumama engubaba
le ndoda yakhulelisa yashiya umama nomthwalo
wokukhulisa yaqhubeka nokukhulelisa
Angilazi ikopi leNAN lale ndoda mina ebusika
bengimbatha ngisongwe izandla zikamama ngithokomale

Ukukhala ukulila nokuhayiza komzimba nengqondo
yami amehlo nezindlebe zikamama kuphela ezikwaziyo
Ukukhalela ngaphakathi okufuqa inhliziyo ngomlilo
wezinyembezi kukamama imina kuphela obengumlandeli
nesithameli esiqavile sakho
Ngoba imifula yokugobhoza kwezinyembezi zikamama
imina kuphela obebhukuda kuzo

Kodwa ngoba sengumungaka ake nibhekeni
lendoda ingibiza ngendodana ithi ingubaba
Baba ubukephi sonke lesi sikhathi?
Mina angiyazi lendoda

Lendoda ngoba sengimungaka isithushuka
ekukhanyeni ebumnyameni ubebonakala
ngamehlo njengekati elimnyama ebumnyameni
Ubuhumusha bayo bugxikigxa inhliziyo okudlula
ukungena komkhonto enyameni

Bengibezwa abangani bami bethi ubaba mina
uzongithengela amaswidi namathoyizi umama
angithengele izingubo zikakhisimusi kumina
kuhlengezele izinyembezi konke kusemahlombe
kamama kudlinze umphefumulo inhliziyo ibhibhe
izinhlungu uma bengibuza ukuthi uphi owami ubaba
ngithi usebenza eGoli uma ebuya ebusuku kuphela
kanti angimazi

Kodwa ngoba sengumungaka ake nibhekeni
lendoda ingibiza ngendodana ithi ingubaba
Baba ubukephi sonke lesi sikhathi?
Mina angiyazi lendoda

Lendoda amehlo ayo athetha usizi nokuzisola
kwenkohliso
Amazwi okuxolisa aphuma emlonyeni wayo
kimi anuka okudlula iququ lempongo
Lendoda kade ingangazi ngoba sengimungaka
isiyangazi mina angidige kuyazi ngakhoke
ingalokhu ingikhomba itshela amanye amadoda
ukuthi yona iyindoda isikhulisile ngoba
ikhulelisile yangakhulisa njengenyoka
Ithi iyangazi, mina angiyazi lendoda

Lo mlisa ucela intethelelo kimi angathi mina
ngumthetheleli ngithetha amacala kanti
yothethelelwa mhla esethethiwe
Wena udlwengule ukuphefumula komphefumulo kamama
wamulutha ngenkohliso yembubhiso
Kodwa manje ngoba usubona ukuthi khona ongakuzuza
ngami mina ngibe ngingazuzanga ngawe usulokhu
ucwebisa amehlo ungibiza ngendodana

Kodwa ngoba sengumungaka ake nibhekeni
lendoda ingibiza ngendodana ithi ingubaba
Baba ubukephi sonke lesi sikhathi?
Mina angiyazi lendoda

Ningazilweli ngizonilwela

Labangani kuhle uma kusekuhle ebubini
nasebumnyameni ababonakali nangokhalo nemiyalezo
Ekusitheleni nasemakhoneni bakukhomba ngeminwe
engcolile imilomo ikhwifa amaconsi enzondo
bayakuhleba
Um'uqhamuka bakuthenga ngokunsinsitheka nokusineka
baze baveze namazinyo asekugcineni kwemihlathi

Kodwa wena ungazilweli ngizokulwela
nani ningazilweli ngizonilwela
Hlala kimi ngizo hlala kuwe

Laba bantu bakuzondela iziphiwo nakho konke
okuphiwe yimi imiqondo yabo seyize yahluma
amasu okukucoboshisa nokukusocongsa kodwa
nabo ngibanikile okwabo bakuphatha budlabha
budlaka wena wakulondoloza sebefuna ukukubulala
Usizi kuwena injabulo kubona, ukukhala
umbhiyozo, izinhlungu zibaveza elomhlathi

Wena bhekisa amehlo kimi ngoba lemithwalo
abakuthwesa yona mina ngiyithule
bengakakuthwesi awukwazi ukuzibulala
ngenxa yomunye umuntu
Ngilwile nabafowabo baJosefa kuJosefa
Nomzimba wethusi likaGoliath kuDavide
nenhlupheko kaJobe kuJobe, pho wena
ngizokuzibelani?

Wena ungazilweli ngizokulwela
nani ningazilweli ngizonilwela
Hlala kimi ngizo hlala kuwe

Laba bazi abakubona ngamehlo nokuseduze kwabo
kuphela mina ngazi okomoya nasekusitheleni
Ngazi ihora nomzuzu olandelayo wokuphila kwakho
kodwa bazibona ukuthi bayazi bayizazi badlula
okwami ukwazi

Lezi zizwe

Nginkosi yamakhosi nombusi wababusi
ngembethe ingubo yokukhanya nodumo lobukhosi
Ngidale lezi zizwe nokuphila kwazo
Nginqaba ezinhlungwini, enhluphekweni, osizini,
ebunzimeni nasebumnyameni bokuphila kwakho

Ngininike inkululeko yokuba nibuse emhlabeni
nakho konke okungaphezu kwawo
Kodwa lezi zizwe ... lezi zizwe zingidumisa
ngezindebe zomlomo kuphela kodwa izinhliziyo
zazo zikude nami ngoba ziphendukezela umusa
nombuso wami .... lezi zizwe

Lezi zizwe zikhonza ipolitiki nezindlela
zikaLusifa ziphatha ngeze igama lami
Enjabulweni nasembusweni yasemhlabeni
nihambela kude nobuso bami kodwa
ezivunguvungwini nasekuxakekeni nibhekisa
kimi okomzuzwana ngithele umoya wami
beseniyangifulathela niphike nama thushu-sithe
omhlaba ongaphansi kwami

Ngininike inkululeko yokuba nibuse emhlabeni
nakho konke okungaphezu kwawo kodwa
lezi zizwe ... lezi zizwe zingidumisa
ngezindebe zomlomo kuphela kodwa izinhliziyo
zazo zikude nami ngoba ziphendukezela umusa
nombuso wami .... lezi zizwe

Lezi zizwe zinemiqondo efingqiwe zibuswa
inzondo nomhobholo ngabanye nokwabanye bese
zifihla amakhanda egameni lami kanti imizimba
ivelile
Ngemizimba eyithempeli lami nenza ukukhohlakala
okuhlohlwa inkanuko nezenzo zobunyala

Amabandla azondana wodwa ukuhleba ilona vangeli
elishunyayelwayo
Ukugxekana kudume ukudlula u-eksodusi 20
Nobufundisi sekwaphenduka ibhizinisi kufuduka
abakhohlisi nabadukisi
Nimemeza igama lami mihla namalanga kodwa
nihluleka ukwamukela imifanekiso yami eduze
kwenu bese ekuhluphekeni nithi nginifulathele
kanti inina eningifulathele

Lezi zizwe lezi zizwe ziphendula umusa
nombuso wami lezi zizwe

Abanye bafike badlwengule, babambe inkunzi,
bathakathe, baqwayize, bafebe bese bebuswa
inzondo nomona bese bezenza ongcwelengcwele
emasontweni bathandaze baze baqhashe imithambo
eziphongweni nasezidlathini kanti balele
unyendle nicashela ba ngoba ngiyanibona

Ukube umama usekhona

Ubethi mshana ngithi malume
malume mshana, mshana malume
Uthando lwakhe benguluzwa lugijima ngemithambo
yegazi obekungenza ngikhohlwe ukuthi umama
akasekho emhlabeni ngikholwe ukuthi wazalwa
nendoda emadodeni indoda ngezenzo zobudoda

Kodwa imicabango yami yaphenduka izimpethu
zenzondo ngomzuzu angihudulela ngawo embhedeni
Ukukhala nokuhayiza kwami kwawela emandleni
akhe nezindlebe ezimbozwe iqulu lezigonogono
zenkanuko

Shhhhhh .... val'umlomo ummese entanyeni,
isibhakela ekhaleni, isandla ephentini,
iminwe ngasese esithweni
Yagqiha indoda umzimba wakhiqiza izithukuthuku,
indoda igculisa izinkanuko zayo enganeni
kadadewabo
Umshana ukhihla isililo sezinhlungu nezilonda
zangunaphakade

Uzizwele nomyalezo wokuthi ihluli lenyama
nomphefumulo ongaphakathi esiswini sakhe
akasihushule ukuze umndeni ungazi ngamanyala
kamalume kungenjalo uzokuswela ukuphila kwakhe

Ngiqalekisa umzuzu nehora engazalwa ngawo
Mhlambe ukube umama usekhona angabe
akangidlwengulanga umalume
Mhlambe ukube umama usekhona angabe
angabe ngitshela yana

Umzimba unezibazi nginecala ngiyalazi
kodwa nomalume unolwazi akwenzayo uyakwazi
uyazazi
Ngizibona ngiyihlazo ngingumlahlwa emphakathini
Ngiyawuzwa umsindo wamazwi abo amaningi
bayaxokozela bangibiza ngamagama amaningi
kepha wena ngiyazi uwena kuphela osho
okuhlukile ngami

Okwami ukuhlupheka kudlula okukaJobe ngoba
okwakhe kwafika kwadlula futhi yena akasekho
okwami ngiphila nakho koze kulamule ithuna
Inyama yami yembeswe imijuluko kamalume
enyanyekayo
Sengiwumthwalo nakimi ngifisa umphefumulo wami
ubudube ubudlelwano bawo nomzimba wami
Mphefumulo xebuka emzimbeni wami umile emanyaleni

Ngiqalekisa umzuzu nehora engazalwa ngawo
Mhlambe ukube umama usekhona angabe
akangidlwengulanga umalume
Mhlambe ukube umama usekhona angabe
angabe ngitshela yana

Nkosi lalela udaba lwami kuwe ngizobhodla
ingonyuluka njengenyoka egingile ngizobhodla
izinsalela
Lalela udaba lwami ngizovula izindlebe
emsindweni wezwi lakho ngivale izindlebe
emazwini oquqaba nokubalisa kwenhliziyo

Malume angabe uyalizwa izwi lezinyembezi zami
ukubalisa kwenhliziyo yami nezwi lesililo
sengane yethu egodini owalimbayo?
Mhlambe ukube awudlwengulanga mina angabe
ikhalela wena nomama wayo niyithulise
niyifudumeze nobabili

Ngiqalekisa umzuzu nehora engazalwa ngawo
Mhlambe ukube umama usekhona angabe
akangidlwengulanga umalume
Mhlambe ukube umama usekhona angabe
angabe ngitshela yana

sphalaphala ngiyaqhaqhazelisa

Ukubhakubhakuza kwenhliziyo yami in
collaboration with ukucabanga kwengqondo
yami featuring udubulageqe kadel'unina
siphethe imasterkey songqekeza inhliziyo
yale shander par egolozayo
For sure nawe uyazizwela
namhlanje mntwana uyangiwisela

Nazi izimbali zomhlaba izinto ... kazi
zomhlaba
Ngicela ukukhetha phakathi kwaglamour,
ismomo-Ndiya nesiphalaphala
Pitipiti Botha (hhayi Botha angikubalanga
wayona manje le list yami?)
dayi futefute futelema weh. Weeeeeh mame

Ngihamba nowesithathu kulaba abathathu
sengimuthathile ngiyazi anicushwa mathatha
please ningabe nisamuthatha
Phela lo uyilo engimufunayo, engimudingayo,
engimufisayo ngoba unale material
engingculisayo

Ngiyazi nawe sphalaphala kade wangi-after
before kodwa.
Uzoba wedwa kimina akekho ozokubangisa
elokhu efuna ukukucoboshisa nokukusoconga
ethi "uyifunani indoda yami" x2
elokhu enyusa iziketi ngoba nawe uzosuke
unyuse iziketi
Qhalaqhala sorry I mean sphalaphala
... ngiyathanda lapho

Musani ukungibhebhe ... bhedela aniboni
ngigudla nesiphalaphala hhe mhlaba
ngiyaqhaqhazelisa

Sphalaphala thena mba, phezulu kancane,
kancane phansi gijima gijima for sure
phakathi nendawo ziyasha wini ikhadi

Sengigadle zephuka ngagcoba namashiya aze
afuna ukuqothuka, sengiphuphe ngaze ngagive
upper inhliziyo yami isidabuke okudlula
amansense esangoma
Uma ngingase ngibanjwe uwena njengethwasa
angabe sengiphothulile selingamane libhubhe
noma usengabuya azolanda ibandla lakhe
Uma bengathi ungidlisile angiliboni iphutha
wenza kahle ungibize uma usuyowuvuselela
umane ube owangunaphakade

Musani ukungibhebhe ... bhedela aniboni
ngigudla nesiphalaphala hhe mhlaba
ngiyaqhaqhazelisa

Phela wena umu... hhayi fill in the missing
words ngama alphabets amathathu nawe uyazazi
ukuthi wimodel answer yobuhle, uma kuthiwa
eskoleni kuphaswa ngobuhle wena angabe wasuka
kwagrade R waya kamatric

Mina nawe ngifuna sibe amazinyo nolimi
singahlukani njengamachoice assorted
nokhisimusi, sizwanisise njengomfundi
wakwa-engeneering nescrew-driver

Musani ukungibhebhe ... bhedela aniboni
ngigudla nesiphalaphala hhe mhlaba
ngiyaqhaqhazelisa

Bonke laba abakufaneli ungabashelisi wena nabo
nifana namanzi namafutha, akuhlangani njengePirates
nendebe akuzwani inkukhu nempaka
Kodwa nawe njalo uhlale ungiphikisa nje ukuthi
ngiwrong noma ngiright wena uma uphikile
uqedile
Uma kuthiwa wiqembu lezepolitiki angabe ngithi
wilunga lokuqina leDA

Kodwa noma usungangiphika manje kodwa ngesikhathi
sisebancane uma sidlala umas'gcozi ngangiba ubaba
wena ube umama sithume izingane estolo mbumbulu
ngisale ngidedel'imbumbulu

Musani ukungibhebhe ... bhedela aniboni
ngigudla nesiphalaphala hhe mhlaba
ngiyaqhaqhazelisa

Bayeke laba abangithatha kancane ngoba ngimncanyana
ngiyababona bacabanga ukuthi konke okwami kuncanyana
Nabanye balokhu bethi ayihlabi ngakumisa
Basho inkomo hhayi mina phela thina bothina uma
sihlaba siyammisa ... ummese omncanyana

ANGICELANGA

Owangidalayo mina wangidala ngenhloso
uma kungezona izinhloso ngakhoke unenhloso
ngokuphila kwami
Owangidalayo mina wathuma izithunywa ukuba
zingakhe
Uma kungukuthi zangakha bangakha ngephutha;
mina angilona iphutha kodwa ukuphuthuma
kwabo okunemiphumela engamaphutha okuyiphutha

Uma lo wesifazane ethi wayengahlelile nalo
wesilisa ethi wayengaqondile bobabili
behlangana ngami kimi bethi mina ngingumkhiqizo
wephutha mina anginalo iphutha ngoba angicelanga
futhi angishongo ukuthi ngifuna ukuzalwa

Ngangingekho mina nidla ukuphila kwenu
ningacabangi ngomzuzu olandelayo
Ngangingekho mina ngangingekho imiqondo yenu
iqosheme ngangingekho
Ngangingekho mina ongaphansi ethokoziswa ukuthi
ucindezelwe nigculisa izinkanuko zenu kungekho
inhlansi yomcabango ehlalukayo ngemiphumela
yokwenziwa ngasese ovela ngaphandle
Uma umphumela usuphumela ngaphandle bese
kuphela ukuthandana bese niyanyanyana wena
mlisa bese uyanyamalala

Mama baba baba mama uma kungukuthi aningihlelelanga
ukuthi ngizalwe ukungahleli kwezingqondo zenu
nokungahleleki kwezinkanuko zenu
akungehleli ekuphileni kwami
Ngoba mina angicelanga ukuba ngizalwe
Ngoba mina angishongo ukuthi ngifuna ukulethwa
lapha emhlabeni

Ukungabi kwakho nezinseka akusho ukuthi
ungangiseki
Akulona ihlazo ukuba khona kwami emhlabeni
ukubalekela kwakho ukuba khona kwami emhlabeni
okulihlazo
Ihlazo ukuthi udle usuthe mina ungayigqizi
qakala eyokuthi ngidlile yini uma ngidlile
ngisuthile yini

Ukuphila kwakho kulovile emqanseni wendlela
yokuphila kwami
Kungaze kugqashuke ukuphila kwakho ungabazi
ubuso bami okungcono ungibone kanye
ungiphike uphimise phambi kwami uthi umama
ukusulela ngesisu ube wazi kahle ukuthi
wanyamalala ngoba sekukhukhumala isisu

Bangalokhu befakaza bethi unothando nozwelo
zof'izinsizwa kosala izibongo
Ufile ungafile kimi kuyefana zof'izinsizwa
namanyala azo kosala amavezandlebe
nezinhliziyo ezincela emthonjeni wenhlupheko

Mama baba baba mama uma kungukuthi aningihlelelanga
ukuthi ngizalwe ukungahleli kwezingqondo zenu
nokungahleleki kwezinkanuko zenu
akungehleli ekuphileni kwami
Ngoba mina angicelanga ukuba ngizalwe
Ngoba mina angishongo ukuthi ngifuna ukulethwa
lapha emhlabeni

Mama ngoba ubaba angimazi wena ngiyakwazi
for sure wena mama uyamazi ngicela ukumazi
ungangitsheli ukuthi awumazi
'Mtanami nami angimazi sahlangana emcimbini
wokuzijuxuza sishisilwa igazi ngamgcina lapho'

Mama mina ngingumphumela wokubopheka
komqondo wakho
Mina ngumkhiqizo womzimba wakho
Ngihlale izinyanga eziyisishiyagalolunye
esibelethweni sakho
Musa ukubhodlela amaphutha akho lapha kimi
noma ngabe wawungahlelile kodwa hleleka
ngothando kimi

Uma kuthiwa ngazikhethela umama ngangingeke
ngikhethe ukuba nomama nje nje onjengawe
nje nje onje
Mhlambe angabe kungcono ukube wathi uqeda
ukungibeletha wamane wangiphonsa emgqonyeni
ngitholwe ilaba abaqoqa udoti bangiqoqe nami
bangihlalise kwabezenhlalakahle ngihlalekahle
nosonhlalakahle abangangazi ngoba wena
okufanele angabe uyangazi awungazi kodwa
uyazi ukuthi kufanele uhole imali yeqolo
ngami

Wena mama ungihlukumezela amaphutha akho,
wena mama ungena ugxikigxe isilonda njengempethu
kodwa lokhu kwakho kuncane kunalokhu okukhulu
inkosi esangibekele kona
Wena mama angathi awungizalanga wangihlanza
Mina kuyafana nokuthi angizalwanga umuntu
wesifazane kodwa ngazalwa amathumbu akhe
abolile

Mama baba baba mama uma kungukuthi aningihlelelanga
ukuthi ngizalwe ukungahleli kwezingqondo zenu
nokungahleleki kwezinkanuko zenu akungehleli
ekuphileni kwami Ngoba mina angicelanga ukuba
ngizalwe
Ngoba mina angishongo ukuthi ngifuna ukulethwa
lapha emhlabeni

Lalela la

Ungumafungwase uzinyobulala kithi
Mina nabafwethu uyena kuphela esikwazi
ukuthi dadewethu kuye
Kubazali uyinkanyezi eqhakaza 24/7 uyena
kuphela abakwazi ukuthi ndodakazi kuye
Ukhuliswe ngevangeli nomthandazo zonke
izingqinamba nezinkinganyana ahlangabezana
nazo uguqa ngedolo athandaze abhekise konke
kuye.

Ukhule ephefumula inhlupheko ebhodla indlala
ubedla aphinde agqoke lokho okukhona ngaleso
sikhathi ubengenalo ithuba lokukhetha
Yize bebaningi abeza kuye bemukhetha kodwa
ngoba yena ubesekhethile ngaphakathi kuye
ukuthi akakhethi abamukhethayo ukabakhethi

Ukhule bekungabuswa kithi kupataniswa
uma ephambana nemigomo yakithi ubethethiswa,
engatotoswa engatetenyiswa engaphathiswa
okwesitatanyiswa

Labazali abangafundile kodwa abafundile
bakuqondile ukuthi kufanele afudukele
esikhungweni sezemfundo ukuze naye
ayofunda aphinde mhlambe afunde

Namhlanje usebuswa amalungelo usethi
yena akazotshelwa abazali abangafundile
Iziyalo ayalwa ngazo abadala uthi amanyala
yena udla ubusha bakhe wayengekho ebusheni
babo ngakhoke abazomutshela
Uthi bangazenzi ama-experts belokhu bethi ayihambi
leyondlela ayihambi leyandlela ngoba bona
sebekhathele futhi sebeqedile ukuyihamba
Ngoba uthi uzokwenza okuqondwa umqondo wakhe
ngoba iwona oqondwa lokhu okuqondwa uye
Ngakhoke mudedeleni enze akhulume mudedeleni

Sisi sisi lalela lana uvule la uvale la
musa ukuhamba ulala la ulalela laba
Sibadala siyakutshela sithi ayihambi
leyondlela

Akasagqokeli ukufihla umzimba kodwa usegqokela
ukuwuveza
Emicimbini yokuzijuxuza uyena phambili kodeejay
uyaziveza.
Akugqokayo ukugqokela ukuthi kuveze lonke
ingaphambili nengemumva lakhe khona ezokhangisa.
Ingakho nje bonke abafuna ukugculisa izinkanuko
zabo zabo beza kuye ngoba vele uzoveza.

Yize esemumva ngezinga lempilo kodwa kukhazikhazi
bezimoto zohlobo oluphambili, imicimbi ephambili
uyena phambili.
Uphuzo uludakayo nomgwinyo kubuthwa ngamafosholo
Usehogelile ngamakhala wavula umphimbo wakhamisa
kwadlulela emuqondweni.
Ingqondo yasala ngemumva inkanuko yahamba phambili
kwashisa igazi useqethukile useketukile, imilenze
iwozawoza ibabiza bonke.
Useyahayiza useyakhala amadoda ashadile nangashadile,
anezifo namsulwa, amanye anezingane ezingangaye
ayashintshana ayagqiga oseqedile uyanyamalala.

Uyavuka uyazithuntutha ingaphandle ngoba
ingaphakathi ngeke esalithuntutha osekungenile
kungenile.
Kodwa ekhaya bazi ukuthi uyafunda
Ngoba ekhaya waphuma ethi uya kofunda.
Uma bemukhuza uthi ngivumeleni.

Sisi sisi lalela lana uvule la uvale la
musa ukuhamba ulala la ulalela laba
Sibadala siyakutshela sithi ayihambi
leyondlela

Yonke imicimbi uyakhangisa enziwe, akhangise
enziwe
Sikhukhumale isisu ahhushusle... sikhukhumale
isisu hhayi siyamubambezela ahhushule
Simuhlulile isikole wancamela ukudayisa
ngomzimba ukuze alale edlile kodwa namhlanje
iwona lo mzimba odayisA yena.

Namhlanje akasakwazi ukuzenzela useyenzelwa
wenzelwa ilabo ababengekho enza
Useyakhomba mama mama bamba lana, lana lana,
kubuhlungu lana lana lana bamba lana.
Umama akasakwazi ukumsiza usewaphathwa isifo
samathambo.
Baba baba bamba lana, lana lana kubuhlungu bamba
lana bamba baba lana.
Uthi ubaba akaphindele lapho ephuma khona

Bengithi uzongibiza nami athi Mphumeleli
ngibambe lana kubuhlungu lana kodwa angilitholanga
lelo thuba ngoba ubesebiziwe ngingazi noma
ubesebizwe ngoba ebiziwe noma uyena ozisondezele
izinsuku zokuthi abizwe

Picasa Web Albums - monica - Imagine Africa - Durban Poetry Showcase -- selection

Picasa Web Albums - monica - Imagine Africa - Durban Poetry Showcase -- selection

Qathaza phela (original piece)

Sekunyuka iminyakanyaka nami engingayazi ngilokhu
ngikutshelana nento eyodwa kodwa wena ubhizi ulokhu
ungitshelana nalesi saga-sisho sakho esisodwa esithi
ucu aluhlangani.
Kodwa wena walokhu uzihlupha nje ngokulokhu
uhlanganisa mina angikaze ngithi hlanganisana nocu
Ngakhoke khohlwa ilezinto zakho ozihlanganisayo
ezingahlangani hlangana nami uyabona kuyahlangana

Sekungaze kuphele iminyaka emihlanu ngilokhu
ngikutshelana nento eyodwa kanti wena ungowakwa
Nongoma yini?
Yabonake manje into engizomane ngiyenze sengizomane
ngikusheshise ngalezi zezangoma khona uzoyivuma
ushesha lengoma yami

Okulandelayo sengizomane ngikudubeke ukukushela
manje... sengizoku advicer manje ngakhoke into
ongangisiza ngayo ukuthi umane uhlukane nalo
'ntshebe' wakho kungenjalo umane usho uma
ungafuni... ngiyadlala nawe usuhamba ngempela
kanti wena udlaliswa ngempande uyingane yesangoma
yini?

Sweatie my dululu uyangihlanyisa wena wangithembisa
wathi usahamba usaya kocabanga bese uyabuya
uyangiwisela qarara qathaza phela
Ntombazane azishe azishe qathaza phela


Uthando lwami lusezingeni eliphezulu lihlolwe abakwa
SABS hhayi lolu lalo ntshebe wakho oluhlolwe abakwa
SAB

Noma usungangiphika manje kodwa ngesikhathi sisebancane
uma sidlala umasgcozi ngangiba ubaba wena ube umama
sithume izingane esitolo mbumbulu sisale sobabili
ngisale ngidedele imbumbulu

Sweatie my dululu uyangihlanyisa wena wangithembisa
wathi usahamba usaya kocabanga bese uyabuya
uyangiwisela qarara qathaza phela
Ntombazane azishe azishe qathaza phela

Bayeke laba abangithatha kancane bacabanga ukuthi
konke okwami kuncanyana balokhu bethi ayihlabi
ngakumisa basho inkomo phela thina bantu sihlaba
ngommese omuncanyana

Ningicika kabi uma senihamba nobabili nihambe
nincikana nimincisana nifuna ukubukwa ukuthi
niyathandana nibizana ngo babie la ...
agga nibadala kangaka futhi anifanelani wena ntshebe
leli geja ohamba nalo imina umphini walo wena
uyideputy iphini lami ungaphiki lohamba for sure
iphini lami

Sweatie my dululu uyangihlanyisa wena wangithembisa
wathi usahamba usaya kocabanga bese uyabuya
uyangiwisela qarara qathaza phela
Ntombazane azishe azishe qathaza phela



Khululeka ngeke ngilushaye udaka njengalokhu
kwakho onako manje.
Mina nawe sizohlala ezindaweni ezithe thuthu.
... underliner lapho ... ezindaweni ezithe
thuthu lapho kukhona khona itiyela hhayi
udaka.

Ekse ungangithathi kancane, ekse
ungangithathi kasmall ngoba ngingakaze
ngithandwe ngaphambilini.
Ungangithathi kancane ngiyazibamb'izingane
mina ... izingane zasekhaya uma ngiziwelisa
umgwaqo.

Kodwa vele nawe kuyafana nokuthi awukaze
uthande ngaphambilini ngoba vele
lento yakho iyabhacaza kodwa kithina ihlale
ithi iyadlala.
Bese iswela umgodi wokucasha ngoba wena
uhamba umkhosi womhlanga minyaka yonke.
Futhi uwubamba ungawi.



Sweatie my dululu uyangihlanyisa phela wena
wangithembisa wathi usahamba usaya kocabanga
bese uyabuya uyangiwisela
qarara qathaza phela; ntombazane azishe
... qathaza phela

Ngabola amathumbu

Ngangingengedwa wakhiwa …
ngizwe kahle ngangingengedwa ngikwakha
Ngakhoke ngangingengedwa sikwakha
Kepha ngangingedwa ngikuthwele izinyanga
eziyisishiyagalolunye esiswini sami.
Ngangingedwa bekupopola bekuhlola
ukuthi usakhahlela usaphila
yini ngaphakathi esiswini sami.

Ngangingedwa ezinhlungwini ezacishe
zangikhipha umphefumulo.
Ngangingedwa bengihleba bengikokozela
bethi umithiswe isipoki uphi ubaba wayo?

Ngangingedwa bengitshela ukuthi uma
ngikubeletha ngiphakathi kokufa
nokuphila kungafa mina kusale wena.
Bheka mina nginomthungo ngahlinzwa
lungakafiki usuku lwakho wena wakhulela
ebhodleleni.

Ngangikubheke ubusuku nemini mfana
wami umthandazo wase uphenduke ingoma yami.
Ngangithi ngichelela isihlahla ngegazi
nomphefumulo wami kepha namhlanje
sesikhiqiza izithelo ezibolile.
Njengomfazi inzalabantu ngazidela kepha
namhlanje kuyafana nokuthi angizalanga
ngabola amathumbu.

Uyisinengiso kimi, uyisiqalekiso kophezulu,
angizalanga ngabola amathumbu kepha
njengenzalabantu ngunyoko ngiyakuzala …
ngunyoko ngiyakuzala.

Bengehla ngenyuka nawe ngiphinde nginyuke
ngehle nawe ngisebenza kwabaseNdiya ngiwasha
ngikorobha nawe usemhlane.
Ngangithi ngibelethe ingane kanti ngibelethe
usathane.
Bengiwa ngivuka ngizamela wena ngoba
lomgulukudu owuyihlo ngamgcina ngimtshela
ukuthi ophezulu usesibusise ngosana.

Angizalanga ngabola amathumbu… angizalanga
ngabola amathumbu

Ngamgcina lapho ngoba vele uspecializer
ngehit and run isoka lamanyala akakaze
akuthengele ngisho inyala yephalishi.
Ngunyoko mina bengikuphipha ngikufinyise
mfana wami.
Bengikugeza unqunu ngikugqokise ngikuxubhe
umlomo.
Kepha manje ngawo lowo mlomo wena usukwazi
ukungibiza ngesifebe.
Uma kuthiwa ngangazi ngangizokuhushula
ungakahlumi ngisho amathambo ngaphakathi
esiswini sami.
Okungono ngihlulelwe ngecala engilaziyo
kunalawa ongithwesa wona engingawazi.

Uyisinengiso kimi, uyisiqalekiso kophezulu,
angizalanga ngabola amathumbu kepha
njengenzalabantu ngunyoko ngiyakuzala…
ngunyoko ngiyakuzala.

Ngangingazi ukuthi ngizala idimoni, uSathane
ozothi uma esedakwe iphilisi esegwinyile
abuye azofuna ukungihlahlela.
Kuke kwangqangqazela umphefumulo, kwahlasimula
umzimba izandla zathatha intambo, izandla
zabopha isihibe esizongena emqaleni wami.
Lo mphefumulo ngiyawukhipha,
lo mhlaba uyahlaba ngiyawushiya
Lo mzimba ngiyawulengisa iphambili angiliboni
imumva livusa iminjunju.
Lomntwana uyisiqalekiso kimi.

Angizalanga ngabola amathumbu … angizalanga
ngabola amathumbu.

Usuwoxola Somandla, usuwongithethelela
ngelosi yokuphila lo mphefumulo ngiyawunquma
ungakasho wena.
Ungangiqaqi mfana wami, ungayinqumi le ntambo
esemqaleni wami incane le kunalezono ezibophe
ukuphila kwakho.
Incane le kunale ebophe umphefumulo wakho.
Lokhu engikwenzayo ngikwenziswa ukukuthanda
kungcono ngife ngezandla zami kunokuthi
ngife ngezandla zakho.

Uyisinengiso kimi, uyisiqalekiso kophezulu
angizalanga ngabola amathumbu kepha
njengenzalabantu ngunyoko ngiyakuzala
ngunyoko ngiyakuzala.

Thixo thwala mina, uthwale izinkinga zami
uphinde uthwale nomthwalo wami.
Angizalanga ngabola amathumbu … angizalanga
ngazala isiqalekiso kepha ngunyoko
ngiyakuzala … ngunyoko ngiyakuzala.

CLICK HERE TO VIEW MY IMAGES SLIDE SHOW

Slide - Share Slide Show: "http://www.slide.com/r/2lzp_WLh1j_eCTgqeJq3Fo5D0AYd67KY?previous_view=mscd_embedded_url&view=original"

Khansela sicel'intuthuko

Bathi isemaqeleni emaqaqasini
kwangqingetshe kwankomo zikhiqiza
upholishi bathathe omame basinde
kunethezeke kuphinde kuhlanzeke
amalawu.

Ntombazane buy'esikoleni ufuqe
ukudla uthathe isigubhu uyokh'amanzi
emfuleni.
Ubuye uphembe umlilo ugeze ungxawu
ugxumeke idelifude eziko upheke.

Mfana qhuba izimbongolo uyokha
amanzi emfuleni.
Uzoth'ukha zona nezinkomo ziyaphuza
ngaphezulu.
Nalebhuduzela iyabhukuda.
Amakholwa kade ebhabhadisana ngayizolo.

Nalentombazanyana ena-16 enezingane
ezimbili iwasha amanabukeni ngenhla.
Kodwa wakhe ngoba ayikho into ozoyenza,
wakhe, nezizukulwane ezingemvakwakho
oyihlomkhulu nokhulukhulwane babephuza
wona, wakhe.

Ekhaya umama ugqula ummbila, osalayo
owebhodwe lezinkobe ngakusasa.
Izingane zibanga amalahle e-ayina
lombhadeko zilungiselela isikole
ngakusasa.

Kothiw'umlilo lenqwaba yezingane
ibheke leli bhodwe eliseziko.
Futhi kufanele bashiye umfudumezo
isikhokho sasekuseni ukuze bazibe
umphangazane esikoleni.

Konke lokhu kuyangithukuthelisa
kuthi angithuthe emphakathini kepha
ngizoyaphi ngoba inkaba yami ilele la.
Umphakathi uhlala entuthwini
esikhundleni sentuthuko ufuqwa uthuli
awuthuthukiswa yize kufanele uthuthuke,
uthuthukiswe.
Futhi awuthuli kade wawucela intuthuko
kodwa ikhansela alikhulumi lithuli.

Khansela, khansela sicel'intuthuko
"It's still in the pipeline"
Hee eeh asifune mapayipi nolayini
Khansela, khansela sicel'intuthuko

Zolo lokhu kade uhamba ngezinyawo
sifuqwa uthuli nawe.
Ubuhamb'usineka insinsitheka yonke
indlela uzenza into enomusa ngoba
ufuna sikuvotele ukuthi ube ikhansela.
Manje ngoba usuyikhansela wikhansela
ngempela usikhanselela intuthuko.

Awuhlali nala uhlala lapho kukhona
khona intuthuko ubuya ngoba uhlele
lemihlanganywana yakho engasiyisi
ndawo bese ulokhu uhamb'uqumba la
ufutheka kambe nawe usuwaba nomkhaba
usukhohliwe ukuthi wavotelwa ithina
futhi ithina esingakudiliza.

'Zwi labantu uthuleleni ikhansala
lenza izinto ezibuthuntu.
Samalung'omphakathi siyakuthuma
hamba ekhanseleni sizokulinda
emnyango.
Tell him to speak out sifun'intuthuko.
Uma egoloza push him out so that we
can sort him out.

Nawe kodwa uma usibuyela nempendulo
ebuthuntu this time ithambo
lomkhalambazo lizokhala kuwena because
we'll sort you out.
Kodwa ungakhohlwa ukumukhumbuza ukuthi:

Khansela, khansela sicel'intuthuko.
Uma ethi it's still in the pipeline
mtshele ukuthi asikubuzanga lokho
futhi thina asifune mapayipi nolayini.

Bakhuluma ngobulungiswa

Umthetho nobulungiswa eSouth Africa ubhuti
nosisi abangakhulumisani futhi abangezwani
ngoba baqhelelene.
Kodwa basuka ndawonye futhi baya ndawonye
ngoba bazalwa ndawonye ingakho kungafanele
bahlukaniswe ngoba kufanele bahlale
bendawonye.

But justice walks right and the law walks
left instead of togetherness.
Nginezandla ezimbili (law and justice)
ngakho lezi zandla zami kufanele
ngiphefumulele kuzona ukuze zifudumale
bese ngithatha umqondo wami ngubeke
phezu kwazo ukuze zisebenze kanyekanye
zenze lokho ezikucabangelwe umqondo wami.

They talk justice, justice but fail to
do what is just.
Justice, justice but fail to live justice
Bakhuluma ngobulungiswa ngobulungiswa
kodwa abalungile la (emqondweni)instead
balungisa imikhba yabo.

Uhulumeni akawuvikeli umphakathi
kdwa osopolitiki nosophalamende
emizini yabo, nabo bagadwa njengemali
yasereserve bank.

Isikhathi sokuthi the government voted
by the people to be the government for
he people.
Isikhathi sokuthi iBlack Economic Empowerment
ibe iBlack Economic Empowerment
besekuyekwa ukudayiselwa umphakathi izibhamu
because there is no reason to reason that
reason of selling something with one reason:
which is to shoot people

I'm the voice of these people let these
people perceive and conceive the notion of
justice and give birth to the spirit of
ubuntu.

They talk justice, justice but fail to
do what is just.
Justice, justice but fail to live justice
Bakhuluma ngobulungiswa ngobulungiswa
kodwa abalungile la (emqondweni)instead
balungisa imikhaba yabo.

Akusona isikhathi sokulapha abahlukumezekile
kodwa isikhathi sokwakha amajele abahlukumezayo
hhayi ukubopha ingane angabe ziyayalwa

Isikhathi sokuthi ngiqale impilo yami
kabusha ukuze ngibe musha.

KUYOQHUMA NHLAMVU

Nangu umabhengwane omabhadubhadu ixoki
lephixiphixi elixova izinhliziyo zabantu
ngokushoshela phansi njengomswenya
ngenxa yenzondo, umona nenhliziyo embi
licabanga ukuthi alibonwa.

Umbulali, umdlwenguli, umthakathi,
usomona nawe mzondi kodwa lemini
iyeza nakuwe.
Kuyoqhuma nhlamvu ezinye zofekela.

Uzibona uyisihlakaniphi esihlakaniphe
okudlula umvelinqangi.
Uthi ungumfundisi ushumayela umemeze
igama lendodana yokuphila athandazele
abantu uthi uyabagcwelisa kanti
uyabangcolisa ngoba izandla zakho
esezishiye intandane nabafelokazi.
Emzimbeni ufake izivatho zesonto
ngezandla upheth’ibhayibheli.

Uthi uyakholwa kanti ulikholwa
mbumbulu ukhohlisa abasemhlabeni
kanti awazi udlala ngegeja
kuziliwe usukhohliwe ukuthi umdali
owakudalayo ukwazi uzalwa, ucabanga,
wazi namanyala owenza ebumnyameni.
Ngoba wadala wena nami wakhulisa,
waphilisa, wahlenga futhi angathatha
noma inini.

Hhayi bo! Khuza wenembeza, nqanda
wenliziyo, khumbuza wengqondo ukuthi
konke esikwenza laph'emhlabeni
okwesikhashana konke ngamaphelela
phansi.

Kodwa lemini iyeza nakuwe.
Kuyoqhuma nhlamvu ezinye zofekela.

Uyimbuzi ugudl’iguma uma kukhalwa
uyakhala kanti ungena ngenxeba
njengempethu.
Uma kuhlekwa nawe uhleka
ugegetheke uveze elomhlathi kanti
uzifihla ubunjalo bakho unone
ngaphakathi njengendlanzi uthi
lala lulaza ngizokwengula; inhliziyo
iyathatha iyabeka ngaphakathi.

Yajula ingqondo, yavuk'umbhejazane
inzondo, wamila amaphiko umona.
Uthi izingane zabanye azikwazi
ukuphumelela zibe nekusasa
eliqhakazile eyakho elayo libe
lilele etarven nakwimfulamfula.

Ayikwazi ingane yomunye ukuba notho
imunikeze utho abe notho eyakho
ibe ihlale ibuya nezinkambabeyibuza
yezingozi ezingeqiwa ntwala akanti
iyisidakwa yahlulwa isikole ngoba
ithi siyabambezela ithi ifuna ukuba
isikhokho ngoba bona abufundelwa
uma usubona ezingezona izikhokho ufuna
ukuthi nezabanye azibe njengeyakho.

Kuyoqhuma nhlamvu ezinye zofekela.
Wobe ungasekho ureverse;
kodwa kuyayiwa ezulwini

Akuvelwa entabeni kanyekanye
njengamadleb’embongolo.
Yebo suqale sonke lomshikashika
kodwa asikwazi ukunqoba sonke
abanye bophumelela abanye ngeke
baphumelele.

Mina nguMphumeleli success is
my fate ngunkunz’emnyama
iyazisabithole, ngisimbelambela
angithi nyaka ngimbela
ongimbelayo ngimdwayidwa ngimdaka
ngiyisishimane saseMzansi.

Kuyoqhuma nhlamvu ezinye zofekela.

Yilowo nalowo uzalelwe esonweni futhi
ngoba ukufa kwafika ngesono ungabuzi
mina obuza u-Adamu inyoka nesithelo
esiphakathi nendawo ngoba mina
engikwaziyo ukuthi uNkulunkulu
usiphile ukuphila, lokhu kuphila
okusendodaneni yakhe ngoba onoJesu
Christu unokuphila.

Wadala mina, wena, bona,
thina nabo ukuba sibe ikhaya lakhe
kepha uSathane ufuna sibe ikhaya
lakhe lokucasha isikhashana.

Umbulalelani um-Afrika

"why you kill me my broda why you kill
me my friend bekos im black you black
my blood is red and you is red we are all
africans and even worse we are all black"

Wadinwa umuntu omnyama udinelwe omunye
umuntu omnyama
Wadinwa umuntu omnyama intukuthelo yahamba
phambili ingqondo yasal'emumava ujabulela
ukuvela esixukwini sabangaphusile
ngokomqondo.

Vela la (engqondweni)hhayi la(empini)
Um-Afrika versus um-Afrika impi yomdabu
with no mission nor vision only violence
pursued by racist faces
Bashonaph'ubuntu kubantu?

umshayelani? Umbulalelani?
uzotholani uma esehambile?
wenzeni?

Asisngaphelelwa ubuntu nenhlonipho
ukukhula kwethu akusho inhlonopho
ngoba uma sesehlelwa amabhadi sithi
ukuthi vele mina ngimnyama ngadalelwa
ukuhlupheka.

Bese sithi uNkulunkulu usifulathele
kanti ithina esifulathele uNkulunkulu
ngezenzo zethu zobunyoka
Sithandaze sibhekise kophezulu futhi
silindele okuhle
Uthi akakuzwe kanjani ubulala abantu bakhe?

umshayelani? umbulalelani?
uzotholani uma esehambile?
wenzeni?

Luyeza luyanyelela usuku esingalaziyo
angabe sothini uma indodana isizolanda
abakholelwa kophezulu?
Mdali khumbul'i-Afrika ... Mdali khumbula
uMzansi.
God can you hear me speak?
God remember Afrika ... God remember the
South side of Afrika

umshayelani? umbulalelani?
uzotholani uma esehambile?
wenzeni?

Khona engizomdidisa

Heh ma-Afrika ngicela ukubhala inkondlo
edidisayo kodwa engadukisi ngoba mina
khona lona engizomdidisa.
Khuluma ngilalele, lalela ngikhulume.
Khuluma ngithule, thula ngikhulume.

Phela mina ngumshini wokushela
angipheli moya.
Ngizokulandela woze ungiqathazele.
Ngizokulandela woze ungiwisele.
Ngeke ngikuyeke woze uthi "hhayi
okungcono iba uno.1 makhwapheni wami"

Angingqongqozi ngiyaknocka ngalomqulu
wamazwi onguqukethe angizile
ukuzokuqulisa amacala okuthi kade
ngakuqala wena awungiqomi ngani kepha
ngithe asiqondane siqu siqu ukuze
siqinisekise ukuthi ngempela ngempela
ubani iqili nengqungqulu phakathi kwami
nawe uma sekuziwa ngasebucikweni bamazwi
okushela nokushelwa.

Ngizokubuza ukuthi uqonda nini ukuthi
ngiyakuthanda … ukuxoxa nawe.
Uqonda nini ukuthi kade ngazishaya
ngawe futhi angabe kade ngakukhiphela
ngoba nginaso isifiso sokukhuluma
ukuthi bengingathi ngiyakushela
angazi ukuthi ngingakuqala ngithini.

Ngoba nginalenkinga engaxazululeki
esihlule imithi namaphilisi,onesi
nalabodokotela baseCuba, abathandazi
nezinyangakazi zakuloMhlab'uyalingana.
Inkinga yami ukuthi ukuthi ngiyakusaba.
Kodwa okuhle ukuthi mina nawe siyathandana.
Inkinga ekhona ukuthi ngenxa yamaphupho
nemicabango yami wena awazi kwazi mina
kuphela.

Kodwa noma ningathin mina khona
lona engizomdidisa.
Eeeh bafethu khon'engizomdidisa.
Hhawu majita ake ningiforwadeleni
amaqhinga okushela ngifuna ukudididisa
lomabebeza engimshelayo.

Angithi uzosuke ungibuze ukuthi
ngikuthandelani besengiphelelwa ulayini.
Angithi uyalazi usizi lwami lokuthi
ziyasala ngeskill sokushela.
Angithi nawe bengike ngaqala umane ulokhu
ungitshela ukuthi hhayi wena une ‘O’ yakho
kanti nina nihlukana nini nalento yakho?

Mane ungenzele lento ibe-easy so ke,
Mane ungenzele lento ibe lula so ke
ngoba uyabona awuqondeki, mane ungigaye
ngenamba yakho khona lolu daba lwami
ngizolugcizelela kumxit.
Ngimdaka ngisishimane esineziqu zokushela.
Yes women through mxit for sure I will
definitely say it.

Kodwa noma ningathin mina khona lona
engizomdidisa.
Eeeh bafethu khon'engizomdidisa.
Hhawu majita ake ningiforwadeleni
amaqhinga okushela ngifuna ukudididisa
lomabebeza engimshelayo.

Ngifuna mina naye siphule ireckodi lomhlaba
lokuba abantu bokuqala abaqala ukuqoma
at the age over 25 khona wonke umuntu
ezosho ukuthi cha lezi ngane kade
ziziphethe kahle enye ayikwazi ukushela
enye ayishelwa okusho ukuthu lolu thando
lwazo luzoba sezingeni eli-extra small.
Awukahle munt'omdala namacomments
ngangingekho ebusheni bakho.

Uma ngingase ngimbambe angabe ngomqalelwa
ubani?
He eeh angisheshe ngivalelise lo mtwana
angaze acele isinqanda.
Nayingulube inginonela ngizomqala ngalaphi?

Ngifuna ukugudla naye ngamabomu phambi
kolova khona bezoshaya amakhwela becabanga
ukuthi sengiyokhwela eJerusalema kanti
mina ngisaqhuba indabandaba futhi
angiboni ukuthi kuzolonga.

Kulungile mntanomuntu sengokubona kusasa
usizeke ungasiqgoki leso siketi sakho
ngoba lolu daba lwami ngeke ngiluqede
omunye umbhemu ongazicuph'ikhala uzosuke
aqumbe phansi kwengxazu.

Phela mina khona engizomdidisa.

Angipheli moya ungitshelele lowakho ukuthi
oyishayile akakayosi,; oyosile akakayidli;
oyidlile udl'icala.
The one hitting no frying,
the one frying no eating,
the one eating eat the case.

Check out my Slide Show!

Check out my SkinFlix!

Check out my SkinFlix!

Siyizimbongi sakh’isizwe

Abanye obaba bayasikhohlisa
Abanye obaba bayasilahlekisa
ungizwe kahle dade angididekile
ngithi abanye obaba bayasidukisa
Uma senza kahle bathi sifuze bona
‘Oh my boy boy ufuze mina mfana
wami okusho ukuthi uhamba
ezinyathelweni zikayihlo’

Kodwa uma sike senza iphutha bayasiduba
bathi sidudwa omamabethu bayasivuna
bakhohlwe ukuthi ibona abajola phambi
kwethuuma sibabamba oqotsheni bathi
asibabize ngomalume nobhuti

Koze kube nini mihla namalanga lomama
ukhiqiza isiphethu sezinyembezi?
Koze kube nini mihla namalanga kulomama
kugobhoza umfula wezinyembezi?
Usunakene nalaba othi asibabize ngomam’ncane
awusho ngani ukuthi ibona omam’khulu ngoba
lona owashada naye wafunga izithembiso phambi
komfundisi usumlahlise okwenyongo
yenyathi.

Usengumtshingo ubethwa ngubani.
Minake nezingane zakwethu usenzelani
suffice it I say wake wasenzelani?
Ubhizi wondlana nezingane zamanye
amadoda sewaphenduka i-ATM labo nondindwa
nabangani bamanga dadonsa kuwena.

Baba bangaki odadewethu nabafwethu
obafihlile esingabazi ekhaya?
Noma ungangithembisa isibhakela anginendaba
kodwa akukho okufihliwe okungasoze kwavela
obala.
Bonke bokubona la, sonke sokubona la
nazo zonke zokubona la.
… baba ngicel’impendulo

Ngimbongi ngakh’isizwe
vumelani lesi sizwe sizwe lemiyalezo yami
Simbongi sakh’izizwe vumelani lezizizwe
zizwe lemiyalezo yalezinkondlo zethu.
Buphi ubuntu emadodeni?

Angilahlekelwe inhlonipho,
Ukukhula kwami okusho inhlakanipho
Kudala ngithuli ngoba ngisaba isibhakela, impama,
unyawo nokungaphakelwa uma ngike ngabuza.
Ma anginayo imali yokudl’esikoleni
impendulo izinyembezi ubab’akanazo izinseka
ingakho engangiseki

Mama mama ungakhali ubaba komqoqa ukuhlwa
Mama mama ubaba komqoqa ukufa.
Ilamapiki namafosholo nalomhlabathi
kobe sekuphenduke ikhaya lakhe.

Nalo ekade ngithembele kuyena usemile
izimpiko wangiphika ngoba anginamali,
angigqoki kahle, ngihamba ngezinyawo
anginamoto.
Usethole abazomnika ngakho konke naye
abagixabeze ngakho konke futhi bonke.
...
Usedayisa ngomzimba wakhe akhohlwe ukuthi
uyithempeli lophezulu usehambela phezulu
uhlala emaflethini lapho ngingeke ngifike
khona mina.
Usekhohliwe ukuthi awukho umngwcabo
eflethini uzobuya somgwcaba la.

Bobe sebemulaxazile ngoba vele bayilamagovu
akhonkothayo, nezimbodla ezibhodla amazwi
enkohliso nezethembiso zembumbiso nemiqondo
ehlale iqhonyelwe.
Bavukelwe ...uthando olungekho ngoba bahlale
bebheke njalo ngaphansi kwesiketi
ngoba imiqondo yabo ihlale ingqanyelwe ucansi

Ngimbongi ngakh’isizwe
vumelani lesi sizwe sizwe lemiyalezo yami
Simbongi sakh’izizwe vumelani lezizizwe
zizwe lemiyalezo yalezinkondlo zethu.

We are the poets we are building this,
that, these the...the...the
those nations.
Let these people perceive and conceive
the notion of justice and give birth to
the spirit of ubuntu.
Buphi ubuntu emadodeni?
Buphi ubuntu emadodeni?




Egameni lezimbongi
Kubona bonke laba abasilalelayo abasikhuthazayo-
Siyabonga
Kubona bonke laba abasigxeka ngokwakhayo-
Ukwanda kwaliwa umthakathi.
Kubona bonke laba abasicindezelayo
… asinendaba

Ngimbongi ngakh’isizwe
vumelani isizwe sizwe lemiyalezo yami
Simbongi sakh’izizwe vumelani izizwe
zizwe lemiyalezo yalezinkondlo zethu

Dear nkosazane - lo muntu

Dear nkosazane ngicela ungivulele
amaphiko enhliziyo yakho
Ngicela uvule izandla zakho
ngikwazise ukusemajukujukwini
okujula kwenhliziyo yami
Dear nko...si yenhliziyo yami
Sterling senjabulo nendumalo yami
President wothando lwami
be the resident of my heart

Bafethu kunalomuntu.
hhayi loyo, hhayi futhi loyaya, nalabo
Ngisho lo, lo muntu.
Angisho kodwa wena nhliziyo nawe
ngqondo ukuthi cabangani ngaye
phela imina kuphela okufanele
acabange ngaye lo muntu, lo.

Nhliziyo nawe ngqondo phela nina
ningakhohlwa ukuthi nakhelwa kimima
kodwa lokho akusho ukuthi kufanele
ningxambukele ezindabeni zami.
Niyezwa?
Asingaxabani-ke uma sengihaya lenkondlo.
Nawe ndlebe ngokunjalo ungangizwisi
izinto ezizongenza ngicasuke uma ngithi
ngiyajula ngicabanga lo muntu.
Okuzwile kugcine kuwena.
Angidinge spy and translator.

Ngisho lo muntu, lo
Hhayi loyo, hhayi loyaya nalabo
Ngisho lo muntu, lo
Lo muntu, lo.

Akukho suku lapho ngangiqala khona
ukumbona phela mina
naye before sizalwe size la
emhlabeni saqale sahlangana
ezulwini sihlanganiswa uMdali omdala
Ngoba sesila emhlabeni sesihamba
phezu kweziyalo zomdala

Labo nalabaya ngiyababona kodwa bona
abangiyisi ndawo ngoba phela bona
ngabafica la emhlabeni sebevele behlabekile.
Mina ngihamba nalo, lo muntu.
Phela lo muntu uyahleka uma ngihleka,
ukuthi ngihlekani akayigqizi qakala leyo yena
phela kokunye uke ahleke ukuthi ngiyahleka
noma ngabe sengiqephuqephuza okungesemahlaya.

Uma ngivukelwa … ulaka ngihlanya
naye uvukelwa … ulaka ahlanye kodwa
asixabani phela thina isilona iqhude
nesikhukhukazi lapho uma uqhude
enganikwa aye ajahe usikhukhukazi
kube mapeketwane; singabakhulukazi.
Nomhlaba uyazi.

Uma ngisezinhlungwini isifuba sakhe
siphenduka sibe umqamelo wami.
Sihlanganise izindebe sixoxe ngetomorrow.
Ngisho yena, lo, lo muntu.
Kazi ubani owoba nesibindi nephaphu laso
asihlukanise ngoba thina asihlukani
sicomplex instead we re-combine and regather
uma sengibeka ngolimi londlebe zikhany’ilanga.

Hhayi ngoba sihlangene kepha sahlangana
nalo muntu.
Sahlangana kwabonakala ukuthi sihlangene.
Sahlala kwangahlambalazeka muntu.
Ungadideki angididekile dade:

Ngisho lo muntu
Hhayi loyo, hhayi futhi loyaya nalabo
Ngisho lo muntu yedwa,
Ngisho lo muntu, ehhe, lo.

Uma lo muntu ezamula phambi kwami
ngibona inhliziyo yakhe icakwe
ngokumhlophe kepha uma ezamula phambi
kwabanye bona ababoni nhliziyo futhi
isuke ibomvu.
Nabo bamane bafunde kwezabo phela
umbala obomvu usho igazi okusho ukuthi
uma bezihlanganisa naye uzobadla abafele.

Hheyi madoda lo muntu ngeke ngifa naye
noma kungafika iTsunami thina ngeke
isikhukhule nayo iyababheka abantu
enamandla yokubahlukanisa.

Lo muntu … lo muntu … lo muntu

Imemory yami isifull kodwa ngisaqhubeka
ngicabanga ngaye phela esengikucabangile
ngeke ngikususe uJesu angamane abuye
azolanda ibandla lakhe; kungal’ukwenza.

Elakubo limubhekile phela nalo liyayifunda imove:
Uyazi ukuthi ngicabanga ngaye.
Ngimuthanda okudlula yonk’into -
ngaphandle kwemali.

Nesilungu phela ngisikhipha ngamakhla
uma sengikhuluma ngezothando lokuthanda
lo muntu kuphela isiZulu bese
ngigoqa ngala mazwi.

Muntu come with me, come with me
You’ll never weakness
God is my witness
I’m ain’t heartless
I’m ain’t promiscuous
Hey you’ll never stress
Although I may be penniless
but you’ll never depress
Your hips and lips will never feel loneliness
My lips, my chest, my eyes
are all the fans of togetherness
For now it may seem less but one day if not weeks
you will see my love … my loveness …
ness … ness ngiyakuthanda moss.

Lo muntu … lo .. lo
Ngisho wena muntu
Ngiyamu …… uthando
Hey lo muntu

THE GIRL NEXT DOOR

Yo ntombazane
Uyazi uyangihlanyisa
Futhi uyangihlahlamelisa
Amahips ,amalips kuvele kuthi angikukisse
Those sexy eyes drive me crazy
Kuvele kuthi angikwenze isex
Sengizwa ngishiselwa nayigazi
Kodwa y ungihlanyisa ka so
Uyazi phela ngawe ngingazishaya ziphele ezelobolo
Twenty five wezinkukhu it what you deserve
Kodwa ngoba uwena ungcono u -6 wezimbuzi
Never izinkomo khohlwa
Phela neyakho inkomo ayisaphelele
Ku Joe uwena, ku Mandla, uwena, ku Myende uwena…. Ko yini ube isifebe
Yo phela iqembu lebhola leli
With the reserves ayi -3 ngaphezulu
Abafana basendaweni sebeyayazi bonke imbobo yakho
but still y ungihlanyisa so
phela I don’t mind ukukwenza umfazi
Phela uSihle no Anele bona laba owabazala ngingabakhulisa
Not forgetting u Sanele noSqgemeza
No …no I have made a mistake
Angeke ngikwenze umfazi vele kade waba uye
Mina sengingakwenza umfazikazi
Noma nje intombi yami yokugcina
Kwenginazo
Mhu u kodwa ngingaze ngithi ngizokwenza eyokugcina
Uma kade uyinto yokubalwa yini wena?
Ube nje ungunamba bani kodwa
Uma ziphelele zizonke?
Phela nami ngicela kufana nabo o-joe no mandla, ngicela phale ungizwiswa
Mangabe isekhona yona i-taste
But I don’t think induku yami izofitha
I’ll try and use isibhakela
Although naso ngodinga zibe ningi
Kodwa akunani ngizobhangqa amacondom
Not the usually one ngidinga at least enziwe ngesikhumba senkomo
Kodwa y ungihlanyisa ka so
I love u …
No ..no I wanna make love with you
Just satify my feelings
Im sure nawe uyafuna, vele uhlezi ugovozile
Uveze obala i-anaconda

No matter what they say
The fact is ukuthi uyangihlanyisa
Futhi uyangihalisa
Vele ungivulele maqede ngizenelise
I remember sisakhula sidlala omasgcosi
You were my breakfast, lunch and Supper
Hha ntombazane yakamakhelwane

Collaboration of:
 Crisas Ndlovu
 Sihle Ngidi
 Sanele Mnyende
 Anele Zondi

LOVE

Sbu: Kudala ngibezwa bekhuluma ngothando
Thinking ukuthi bayayazi lento abakhuluma ngayo
They say bayathanda but abazi yini uthando?
My brother can you tell me what is love?

Sihle: love is nothing till we make it to be something
Love does not exist till you make it exist.
Love can be created but never destroyed
You can’t touch love but you can feel it

Sbu: Hhayi angiyazi mina lento
Ngike ngizwe inhliziyo yami ishaya ngamandla
I can even feel my blood running through my vains
Ingabe wuthand lolu noma cha.

Sihle: Suka lapha wena,
Kanti awuyifundanga yini ibiology at school
Lokhu okushoyo is just blood circulation.
Love is about imaginations
It has nothing to do with the movement of your blood.

Sbu: Okush’ ukuthi this thing of love is complicated
Nakhu ulokhu ushona le nale
Ungangitsheli into eqondile

Sihle: Love is a simple thing
It is us who complicate it.
And it end up complicating our lives
Anyway mfana kithi my advise to you
Ukuthi stay away from this love thing
Wena usemncane kabi
Uthando lukankulunkulu nolwabazali bakho ikhona okusakufanele.

Collaboration of Sihle Ngidi and Crisas Ndlovu (2008)

Sivukile isishimane

Khuluma ngithule, thula ngikhulume
Zithini ezakamumva?
Bathini abazishwashwathayo?
Bathi isishimane sivukile emaqandeni
sesizame kwaze kwalunga
Bengisafihle induku emqubeni bengisazulisile
Kodwa ngasho ngathi loze line nasemhlabeni
wezishimane amaNdiya azotshala
ihalaal khona nami ngizodla upelepele
ngize ngibe nesishwapha kodwa mina owami
ngeke ngimgone emphakathini
ngizohlonipha ngizomgona ehlathini

Baqinisile abazishwashwathayo yize bekade
bengicindezela phela nami sengizocindezela
...ezinye izishimane
Usizi lwesishimane seluphenduke injabulo
yesishimane sengihleka kuze kuvele elomhlathi
kudala ngithanda kodwa ngiyaqala ukuthandwa
heyi uNkulunkulu ubathanda bonke abantu bakhe.

Uma ngiyomvala ngixegelwa ibhulukwe,
amadolo nomunye umbhemu ophuma kuphela
uma ngisendlini encanyana okwathiwa ekhaya
angingamkhiphi ngoba wandisa abantu eMzansi
ngendlela edid'uSathane

Angisheshe ngivalelise phela ngeskill sothando
ziyasala ngisemusha kulendima yezothando
nalomabebeza angaze acele isinqanda umqansa
Habe! nay'ingulube inginonela

Uvukil'uMphumeleli
Heyi mina ngis'shimane

Ngicela ungahambi

Ngiyakhumbula ngikucela uxolo kodwa wena
wawuncamela ukucela empunzini uyongiceba
kini ngoba babekucebise ngokuthi abafana
ayikho enye into abayicabangayo uma becela
ukucamtha nawe basuke bekucathamela khona
bezothola ucansi.
Kodwa angikaze ngicikeke ukuthi wena uneconsi
Angicasukanga ngoba ngangincenge uthando
nawe wasizakala usuthole ozohleba ngaye
"yazi oh uyangibhora, uxamu uzufunda ukuma
ngami futhi akagqoki kahle akanamoto uhamba
ngezinyawo" bavume nabangani bakho
bekukhohlisa kanti bangi-aftile

Kwadlula imizuzu, amahora, nezinsuku kwalandela
iminyaka ithuba engalithola ngacwecwa lolu daba
lwami ngalwendlala ukuze silucubungule ukuze
lufike kuwena selunamacebo nomsoco
ozokwenza ungangiphikisi kakhulu.
Ngiyazi wawucuphe ukuthi uma ngike
ngathi "ngiyakuthanda" uzozenza into ecasukayo
isihlinyane ucathi ngizocinana kanti mina
ngangingazile kuwena ukuzokucoba kepha
ngangizokungcoba ngocu engangiluphethe
ngocikicane ngoba ngicela ukuba mina nawe
sicobelelane ngobuciko bothando
olungenazikhinyabezi,
Ngangifuna yona inhliziyo
yakho, bona ubuhle bakho nokunyeke
engeke ngisakusho ngoba senza leya deal
e-unfair

Ngabuka ubuso bakho ngamehlo osizi ngingacwayizi
ngithi angingabhayizi ngijeqeze eceleni mgoba mhlambe
uzobe usungicabangelile.
Ngabonga nganconcoza ngesikhathi unqekuzisa ikhanda
ngangisaba ukuthinta nje kodwa ngalelo langa ngaze
ngakuncinza ngisho izidlathi.
Nami sengingothandiweyo sengizochomela impintshi zami
... for sure ngeke zijabule zizokulandela phela amajita
ahlale elandela ibhodwe eliconsayo.

Ngicela ungangishiyi, please, ngicela ungahambi

Sithe sisaqhuba kahle wena usumila amaphiko
ngiyabona sekusele kancane nokuthi ungiphike;
angilazi iphutha lami, ngibatshela kanjalo abangani
bami ngikhohlwe ukuthi imina engihluleka ukubekezela.
Ngavuma ngoba ngangisancengile ukuthi uzongincisha
kuze kuba sibopha ifindokazi lomshado
mmhu asikwenze konke okwenzeka othandweni
let's make another deal ... azidume

Ngicela ungangishiyi, please, ngicela ungahambi

Loku kudabuka kwenhliziyo yami kudumaza izifiso
zami kodwa engikwenzele kona ngeke kushabalale
noma ungangishalazela bengithi ungowami kanti
ungowethu kodwa bengike ngisole lapho ngithi
'ngiyakuthanda' wena ubumane uthi 'nami kunjalo'.
Kanti wena uyazi ukuti kukhona abangcono abanako
konke, abakunika konke nawe ubagixabeze ngakho
konke, bonke ngaphande kothando kodwa.

Ngoba imina engikunika uthandokazi kazi
uyophelelaphi nalaba bakho abangenalo abafuna
lokho, ngisho lokho, lokho.
Hhayi ukuthi angikufuni mina lokho, ngiyakufuna nami,
ukuthi uthando ilona oluseqhulwini phezulu.
Yaz'ini mina ngisakuthokozela ukuba nawe empilweni
okugqashukile sisengakubopha yize kwagqashulwa
uwena.
Ngeke ngikwazi ukukubopha ngoba alikho icala
engingakuvulela lona amaphoyisa angamane
athi ngidlala ubushimane.

Ngicela ungangishiyi, please, ngicela ungahambi

uma usuyinhlikinhliki ungabuyi usunhlanhlatheka la
kumina uma sebekuhlikizile onhlenhle wohlangana
nami ngihlinyile ukuhleka angithi kwahamba nawe
phela ngangingekho uhambe ubaqethukela njengoba
usuqethukile nje; phinda kubona kulungile

please go, hamba, kulungile hamba

uma kuthiwa ulijuba angabe ngithi jubalala juba
bayokuchutha phambili manje wumuntu
i mean wawumuntu
okungcono angithi hamba muntu
vele sekuzophela maduzane ngempilo yakho
akusekho ukubuyela emuva
vuma mhlambe usengawuphila unyaka owodwa
ngaphezulu angisho ukuthi uzophila kodwa i mean
mhlambe usengawuphila unyaka owodwa ngaphezulu
phela vele wena kade uhlala phezulu emaflethini
lapho bengingeke ngifike khona mina
usula manje phansi ezingeni lami angithi kade
uthi ngiphansi ngihamba ngezinyawo manje
usulele phansi phela awukho umgcwabo eflethini
umgcwabo ilokhu enikade nikwenza i mean kona
ngisho loku okukumbele igodi

Please go, hamba, kulungile hamba

Angikakamtholi ozovala indawo hhayi eyakho wena
kuyafana nokuthi ngiphuze amanzi ngaphinde ngaphalaza
ungadideki dade angiphaphalazile ngiyafakaza kuwena kodwa
sajula isishimane, sikhipha amangwevu isishimane

please go, hamba, kulungile hamba, hamba kubona

Usizi lwesishimane - Nginenkinga

Mvusi wenyamazane, abuser yobuthongo bami
uma kudlula wena inhliziyo yami
ivuk’umbhejazane ngithi
uma ngivula amafayela ezifiso zami
ngibone ukuthi ngiphelelwe ushatini ayikho lento yami
okungcono angishise impepho ngivuse abaphansi
kube ibona abahola lolu hambo lwami
olusuka eJerusalema lenhliziyo yami
liye eGoligotha yobuso bakho kuwena
khona bezongilekelela kulenkinga
engibhekene nayo la emhlabeni.

Imina engakuqala ngakucela uxolo kepha
manje sengishele ngaze ngakhathala uma
kuwukuthi ngenza iphutha ngicela
umaluju ngiyabona sekufanele ngiphinde
ngicel’uxolo ngihoxe.
Sekuphele amaqhinga sengibathe
ngiyakuxina, ngiyakuxina kepha wena
awuxakaziseki.
Sengiphelelwe amazwi okushela esiZulu sekukudala
inhliziyo yami yathuma umlomo wami nami ukuba
siyikhulumele kuwena ngaphandleke uma
ungangivumela ngicaphune imbijana
kancane esiBhunwini nohhafu wesiPutukezi
ngibone ukuthi ngiphelelaphi

Phela lempicabasha isingaphezu kwami
namazwi ami; mina namazwi ami sobabili.
Ixoxwa ngekhwela … angisho ukuthi
ngizokukhwela kodwa ngingayenza kanjani
into enjengaleyo ngoba wena awukakanginiki
ithikithi lokukhwela ikheshi eliya endumisweni,
ezulwini lakho elincane lakukhwelwa khona;
sengingaligcinake icala ngisale sengidlulela
nakulokhu okhuluma ngakho.
Kodwa ithuba elincane nje elingangivelela
ngingenza sure ukuthi ngikhwela ngiyadilika
ngalamazwi woze ungiwisele selingamane
lithethwe lidlule.

Everytime uma ngikubona no “ntshebe”
wakho inhliziyo yami igay’ibozi ngiyazi
uyaboza futhi akekho fit for wena
hhayi ngoba mina ngitop goal scorer
… ngihlushwa ubuhlungu benhliziyo

WeNtshebe lelo geja ohamba nalo imina umphini
walo wena wideputy yami iphini lami
ungaphiki lo’hamba naye uyisiphiwo sami
ingakho ngifisa mihla namalanga angathi
lolo thandokazi tha … thandwana
lenu kungasa liphele ngisho ozwaneni
… ngihlushwa ubuhlungu benhliziyo
Hhayi mina angisazi

Eh mntwana nginesicelo;
Eh bafethu nginenkinga: lo mntwana akazishayi
usizi lwesishimane… senzenjani isishimane … dlala
Hhah ngiyesababa!

Cabanga nje mina nawe sesigudla sigibele
igusheshe sidlala igumbagumba sithi uma
sihamba ezinye izimoto zisigudlukele kanti
cha ukuthi imigwaqo iyaphambana nje.
Ngithi uma ngishintsha igiya from number1
kuze kube ngizwa isandla sami sifudumala
kanti sesigudlukele kwezinye indawo
… sishintsha isiteshi kwigumbagumba sifaka esejazz
bese uyahleka nami ngihleke wena kodwa
uhleke ukuthi ngiyahleka vice versa
waziveza vele uyazishaya musa ukuzulisa

Eh mntwana nginesicelo;
Eh bafethu nginenkinga: lo mntwana akazishayi
usizi lwesishimane… senzenjani isishimane … dlala
Hhah ngiyesababa

Idlani masoka kobola kodwa ngiyanazisa
is’shimane revolution is imminent watch
this space ubani owathi angithandwa
ngoba ngithanda
… nami angizenzi ukuqina kolimu, inkwethu
igcwel'ulimu

OK angikhohliwe getting back to ngiyamfuna
lomntwana theme uma ngingase ngithole
ivelabahleke for sure ngeke aphunyule ngibuye
ngezinkani angisasheli sengiya adviser, angisesona
is’shimane sengiyisithixo sazo
… kodwa nginenkinga

Eh mntwana nginesicelo;
Eh bafethu nginenkinga: lo mntwana akazishayi
usizi lwesishimane … senzenjani isishimane … dlala
Hhah ngiyesababa

Ibhayibheli elisha eliphume izolo Chapter 1818
ngoKwezishimane verse 90 & a half lithi
kuyoba khona ukugedla kwamazinyo uma leli
likaMthaniya selibuswa izishimane
Angivale ngomthandazo wezishimane


“Somandla baba oyigcwele mnini mandla
wonke wathi abantu abathandane kodwa
mina angithandwa ngiyafunake manje ngoba uma ngicela awuzwa
phela awenze lapho bonke labantwana
engibathafunayo abamane bazizele bona”

Unamanga s'shimane usiza ozisizayo

Eh mntwana nginesicelo;
Eh bafethu nginenkinga: lo mntwana akazishayi
usizilwesishimane… senzenjani isishimane … dlala
Hhah ngiyesababa

Ngicela ningidedele

Awusho … awungitshele … khuluma
Isho uma kuwukuthi njengoba ngikushela
sengiyashumayela njengomfundisi ethi ushaka
wagwinya uJohn waphinde waphuma kodwa
noma sesingayiyeka eyeNtalashishi neMenerva
ngoba vele iyefana nesathunywa ugwayi sabuya
neboza phela futhi yona
ayi-apply kulecontext yethu phela mina njengoba
ngilakuwena ngithunywe uNku …
inkululeko freedom of choice

Angidukile njengoJohn,
sengikukhethile njengoAubrey futhi angifune
muntu ozongibangisa uJesu angamane abuye
azolanda ibandla lakhe kusale
thina sobabili for sure ngeke uphunyule
uma sesisobabili ngeke ngikushele soshelana
uma ngithi ngiyazishaya ngawe
wena uthi yazi nami bengifuna ukusho njalo.

Ngeke ngisakupheckaja kodwa ngizopheckajwa uwena
ngale ngiresiste futhi uma ngithanda.
WeJesu angabe uyilamulile phela uNkulunkulu
wathi abantu abathandane lo mntwana ulokhu engizulisela.

Eh majita ngicela ningidedele ngishele lomntwana
mhlambe uzongiqathazela

Qinisa amabhathini s’shimane amathunzi ayewukela,
Qinisa inkulumo s’shimane labolova bayashoshela
futhi bacharma ngesilungu abalunguzi bayangena
“what’s up girl give me a hug babygirl”
wee ..geh uzosala uncela ithupha s’shimane

Ngicel’indlela dedan’endleleni masoka I’m looking for
isokakazi

Ungalokhu ukhalaza ngokuthi i-apartheid idlu munyu
ngasendimeni yezothando, i-apartheid ibuye ngenkani
abakhuluma isilungu banikezwa amathuba amaningi
Kwenzenjani nge-affirmative shelling?
Webantu nguvulavala sengigadle zaqhephuka
ngicela i-advice khona ngizocaba lendlela
eya kulomntwana wemzansi akeningidedele

Eh majita ngicela ningidedele ngishele lomntwana
mhlambe uzongiqathazela

Gadla, gadla jikijela s’shimane khona lomabebeza
ezogudla nawe … wadlala kancane lomjita
umdedelelani? Mvimbeni uyashishiliza
idlozi lezishimane

Eh majita ngicela ningamudedeli ashele lomntwana
Ngoba for sure uzolooza
Dedela banye s’shimane ayingangawe

Please ngicela ningidedele

Duduzile my fohloza ngizokubamba (in collaboration with Master)

Me in collaboration with Master (Thee my African diamond)

Aubrey: sithath’ipoetry sibeka ezingeni eliphezulu
khona nophezulu ezosisikelela.
Is’shimane in collaboration with the Master
of poetry; thee my African gold,
thee my Iragian oil the feeling says
deejaya s'gwadi,
the feeling says deejaya s’gwadi
Duduzile my fohloza ngizokubamba

Master: Saturday afternoon
Maximum temperature at 37 degrees Celsius
The scorching rays of the sun
Editing my plans and wishes
To see duduzile my fohloza
Another broken promise
Extending the line of dishonesty
Ok what is done is done
Let me just
Scroll the first pages of pantsulas diary
ngkutjele nasi I story

Aubrey: Dudu … duduzile my fohloza nasi
istory ubungasilaleli uzoba udumazile mdumazi
wenhliziyo yami kanti wena ungiqathazela nini,
kanti wena uqhuma nini … heh eh ungaqhumi
kodwa bengase ngiqhunyelwe uwena ngingaba yini

Master: Taking it down to memory lane
It was 12 may 2006
Where I first saw duduzile my fohloza
Yes yes duduzile my fohloza
I was on my way to the cinema

Aubrey: nyihihihi ngiyosineka

Master: When I saw u with your man
With my poetic signature my love I endorse
declaring him totally unfit to be your lover
Two weeks later I saw the two of you at a mall
kissing holding hands
Consciously I was like nami ngizobamba

Aubrey: heh kade ngabona ukuthi akumina
ngedwa enginovalo uma kuyiwa ngasesimameni
Master ufisa ukubamba kodwa uyashishiliza;
kanti kwakhala nyonini la kuwena ubugwala
lakuwena has became a legacy,
okungcono asimhlasele sobabili for sure ngeke
aphunyule … kuzoqala wena kodwa.
Duduzile my fohloza I'll catch you offguard

Master: Besides I only do it better when I’m
drunk.
But I swear to the man above ngizokubamba
That’s my long term goal
I better keep it alive
While waiting for the right time
But taking u from your man is part of the plan;
A short term project
I better work hard on my strategy
Cause believe it or not nami ngizombamba
Duduzile my fohloza
I will never give up (never give up ngizombamba)

Aubrey: nami ngizombamba uma sikhompitha for
sure ngizowina phela mina ngishela ngezinga
eliphezulu kunawe futhi wena unezifiso ezidlula
izenzo, owesi 10 lonyaka ulokhushumayela.
duduzile my fohloza ngizokubamba ungamnaki lo
ufuna ukugainer i-experience ngawe angikaze
ngimubone ehamba nomuntu wesimame ngaphandle
kwasisi wakhe.

Imina umampela isoka for sure.
Ngiyawushukumisa umzansi for sure uma ngihamba
nawe uzolokhu encoma uthando lwami nawe ethi
the feeling is de javu.
Duduzile my fohloza ngizokubamba.

Master: Not until the fat lady sings
No it won’t be over till the wedding bell rings
Standing Before pope Benedict exchanging rings
Me and u counted among queens and kings
Bafethu I would never give up ngizombamba
Going to Jamaica for honeymoon
Sitting under tropical shadows
Birds playing jazz for us

Aubrey: hey hey ndoda vuka waphupha emini
manje ziyabhora lezo zinyoni ezidlala ijazz
Mina naye zizosidlalela ihouse sidanse
umakarina makarina neskere bese sisika ikhekhe

Life without u is like poetry without an author
U are like the poetry I never wrote
We complement complete each other
( duduzile my fohloza ngizombamba)

Poetry is u and I (that’s a true lie)
Accepted in the name of love
(duduzile my fohloza ngizombamba

Aubrey: Bengidlala wena awukho kwistandard
sami ukuthi ngingakhompitha nawe
that competition will be unlawful since
uthando lwami luhlolwe abakwa SABS.
Duduzile my fohloza ngizokubamba.

Blogger Buzz: Learn how to add an image to your blog's header

Blogger Buzz: Learn how to add an image to your blog's header

vote for me

what's up I am a poet you know and my first poem has already been published on poetry.com, a network for international poets, click here to rate my poem or copy and paste it and cast your vote I wanna publish the second one Rate my poem, Go here

NOW I'M SERIOUS

Tokolo themba
Thokola themba amathunzi ayewukela
Thokola yimvu yolahleko
Thokola ntandane naba bekuhleka … thokola
Thokola nawe mfelokazi ezivathweni zakho ezimnyama
Thokola themba … kuzolunga
Thokola uyingelosi umuhle phansi kwegama lakhe
Unkulunkulu ubathanda bonk’abantu bakhe
Bekezela kuzolunga akuvelwa kanyekanye
entabeni njengamadleb”embongolo
Kuzolunga … bazukujaha usujabule… thokola themba
… thokola themba amathunzi ayewukela thokola

Themba, idla ngedolo phansi thandaza… themba … uzothokoza
Obuza uMandela wahlala ejele waze wadela
Obuza uMbeki ukuthi kulukhuni kanjani ukubheka izwe
elinabantu ababhekile njengathi
Obuza uSteve Biko ukuthi uma ubika ukunganeliseki ngesiBhunu
noma bangakubulala abosala bodla izifiso zakho … ngisho inkululeko
Obuz’uZuma ukuthi uma ugebhile bakuzuma kanjani
ngonondindwa khona bezokudida
Eh muntu omnyama ngithi ungadideki bazofun’ukukudida
bese kuba uwena umdidi wendaba
Phel’ipolitiki idida abantu … iwumdidi … wabantu
…nempilo injalo …thokola themba amathunz’ayewukela
Obuz’uMadlala ukuthi umudlalela ngaseqinisweni they
said they will fix you maybe now they have fixed you.
Wozithol’usufile.

Obuza uMugabe ukuthi uma uwugimbela kwesakho
Omalugaju ababili double B, iBB uBush
Ne side-kick yakhe uBlair bazongxambukela
kodwa ungesabi ngeke bakwenze lutho awunawo uwoyela wena.
Ubuze umama wakho ukuthi ukhalela kanjani ngaphakathi
uma ubaba wakho engasayithumel’imali ekhaya;
esephenduke iATM, AT sebethimulela kuyena
Obuz’izinkophe zakho ukuthi zikhophoza kanjani
uma ungalalanga ekhaya.
Obuza mina, lo, naloyo oseceleni, phambi, emuva kwakho
ukuthi uma ehaya le nkondlo abamzondi yini?
Thokola themba amathunzi ayewukela thokola… uzothokoza

Thokola themba
Ithemba alibulali
Kepha kokunye lifakan’eweni uzibone usuqothukile
Kushabalal’izethembiso
Kushabalal’amathemba
Thokola themba

Phokophela ntandane
Um’uvulindlebe indlela iyavuleka,
Ndlelanhle, mpilonhle, mpilonde
Phokophela ntandane nenja ize iwaqede ngolimi
Putshuka ntandane, putshuka mfelokazi, putshuka
Khokhovula, putshuka skhotheni
Putshuka malugaju
kuloko okubi okukubambile

Khula Aubrey, all is yo’s ola, ola Aubrey
Khula Aubrey khuluma okukhungethe inhliziyo yakho
Ishaye le nkondlo kushukume umzansi
Ungakholwa abakukhohlisayo
Khumbula izinkulumo zikamkhulu wakho
uKhomba 7.
Ukhule uze ungakhokhobi, sesikhathele okhokhovula

Thokola themba amathunzi ayewukela
Thokola … Thokola … thandaza … thanda … themba …uzothokoza


Awudede
Awusondele … ngikuhlebele
Dlala ngizokubukela
Ndlala ngizokufica khona
Qala lahle imina ubhontshisi kuzogcina mina; ngizolandela
Lahlihla ilahle sekuyinto yokulahlwa
Asidlale umagida sibhekane, bheka bheka … ummmhu…
Dunu dunu…
Cha udlala kahle… umamatheka kahle,
uhleka kahle futhi; asiphinde futhi
Noma sebengangishaya emuva kwendlebe
Anginendaba kodwa ngidlalile nawe

Ngibuke-ke manje … ngibheke … uphind’ungibheke
Asithuleni khona engifuna ukukwenza kona
Uyezwa angithi?
Ngifuna ukukuqa…la uzogcina wena; uzolandela
Bese ngidelile… Uyezwa angithi?
Angithi uyazi ngifuna ukukwenzani?
Hawu! Uyazi nje? Angithi uyayazi iBold and Bloodyful?
Cimeza-ke ungabheki uzozwa ngami sengenza.
Cimeza phela … ngizoze ngicasuke phela
… Hho awufuni?

Angisadlalike ungaphinde ungikhulumise
Lento engakwaz’ukwenza lena … walala
Uyakwazi? ngenze phela sibone.
Nxi!!!!!

Yazin? Nganginawe ngiphucwa uwallet wami
Wangisekela ngingenamali
Wangithoba ngisezinhlungwini
Ngasengithole umqamelo esifubeni
sakho ngiphethwe ikhanda futhi wawuhleli eceleni
kwami egumbini labagulelukufa esibhedlela namanje usenami
sengibezwa ngendaba abangani

They’ve thrown me away like a piece of trash
Like yesterday’s garbage
Kodwa … yazin? Inkinga ikuwena.
Ungibangel’ibhadi … awudede … asihlukane

Uwena owathi angingene
Ngewindi lakini ebusuku
Uyayibona lengozi esesiphundu … ngashaywa uyihlo ngebhawodi
Lengozi ela emlenzeni ngayithola ngicashela yena phansi
kombhede
Kwasho wena….
Lesifo enginaso ingenxa yokuqethukaqethuka kwakho
… awudede … asihlukane…
Odede wemuntu … awudede

Ikona ebengifuna ukukwenza kona lokhu
Noma ungabheka-ke
Awudede … sengikhathele
Awudede … ngishaywe umoya
Awudede … hhayi asihlukane
Ungibangela iminciza uyangicika
Awudede …
Awungidedele ngiphokophele phambili
Awudede … ngifuna ukuba nodeda
Ngendlale wabantwana




Usebhobokile

Sekungena ngala, kuphume ngale
Zandil’uyaphi?
‘Ngyaphambili umile wena Weh! No future”
Zandile buya zandile izifo.
“Ongiyeke”
Zanel’uyaphi
Haw Mah ngyazula awukahle
Mhhhhh! … zula nje uzozala.
Uzothi bakuzumile kanti uwena ubuzulelwa ikhanda.

Nonhlanhla unhlanhlathek’uyaphi ebusuku?
Weeeeh nakoke… yini kodwa.
Bazokuhlaba … ngenhlamvu uzobuy’usunhlanhlatheka.
Wena Nhlanhla umufunani-ke uNhlaka
Ngithe 1, 2, 1, 2 Mah wavuma ngesikhathi, nginenhlanhla
phela mina kush’ukuthi ngifuze ubaba, NGIYISOKA.
Mhhhhu …. Idlani masoka kobola … sesibala izinsuku
Sokungcwaba kodwa.

Sekungena ngala, kuphume ngale.
Usebhobokile … mubhekeni usebhobokile.
Useqala ukuqaqeka sebemqaqile … abangani bakhe
Usebhobokile … mubhekeni …usebhobokile
Mqamben’igama “Nang’uQaqeka” eqaqeka kabi Bo!
Bazokuchutha sthutha.
Ayihambi leyondlela.

Mubhekeni usebhobokile.
Take care

Democracy
Okay … I’ve got something to mention and I’m gonna say’em
Siphila impilo lapho ngoR7 umuntu engalahlekelwa impilo yakhe
R7 ONE beer, TWO to THREE sips,
One, Two, One, Two FOUR slopes kudidek’ikhanda
Usuzwa FIVE different men on top of you for more than
SIX times.
Kushaya uSEVEN ekuseni abasazishayi ngawe
Ngo EIGHT uyaphaphama usuthola ukuthi uneAIDS
No-one wants to give an AID to you,

A.S.S (Attention Seeking Syndrome) isiphelile
Usesele yedwa neAIDS yakhe.
Unengculazi useyigcuba.
Ingenxa yenkululeko engayisindawo
I mean … don’t get me wrong
It’s the truth don’t conceal it.
What does DEMOCRACY mean to you?
Is it a DEMO where anyone can try his best on it?
If it’s that DEMO who tests and weighs it?
Is it a DEMON that lures the youth to booze and dope?
If it a DEMON abanjani abanalo?
Is it a DEAL between life and death?
Yebo it’s a deal naba bantu bedidiswa ubala

No, ayikho impendulo so Democracy is Democracy.
Democracy to a Black man means Death.
Democracy to a Black woman means Dizzy.
Democracy to a White man is a Demon.
Democracy Demeans a Boer man.
Democracy Darkens the mind of a Blackman.
It’s the Blackness of ours that activates the Demons of Democracy.
Let’s DEAL with democracy ngoba iyasiDIDA.
Democracy … is lethal

It’s only that we don’t know that we don’t know


Ungavumi
Nangu uVusi evuka esithubeni evuthulula
ulwembu oluvimbe emehlweni akhe
Nangu uVusi eveza uthando lwakhe
oluvumbuka kuyena

Nangu habe! Nangu uVusi
Eviva eveva ekuvusa uhlevane
Nawe uze uvoveke
Nangu nangu uVusi ekuvuthela
Khona uzovuleka bese uyavuma

Pho uvinjwe yini?
Ngoba vele usekuvovile
Usufuna ukuvuma.

Hhayi bo! Ungavumi
Vuka uvantele engakavakashi
Vuka … uvuthe amalamgabi
Uvale … nangu eveza unyawo
Vala …. Angaze avule ngoba ngeke
Umuvimbe uma esekuvuthela
Uzovele uvaleke umlomo

Ungavumi uVusi, uVincent, uVictor benoVukani
Bakuvule … uthando olungekho ngoba
Uzovula bese beyakuvula bese uyavuleka

Vimba naba beza beyisithalavane.
ITsunami kavusi iyavuthela
…. UNGAVUMI …. UNGAVULI
Hey wena VULA …amehlo uvaleleni
UNGAVUMI

Mane uvive, uvuke indlobane weVicky
Naba bekuvezela bekugabisela ngothandwana
Sebevukelwe … uthando

Vala …UNGAVUMI
VALA … thaqa

Ngoba uma usuvezile bakuvezela .UZO…VE…VE…ZELA
Uvuvukal’isisu bese kuvumbuka umuntu
Akuvukele umbhejazane usuwedwa
Bese uvukelwa kakhulu … amahloni

Nangu uVusi … nanguya … (wavuma-ke wena)
Akasekho uVusi usekuhebeza njengevondwe emasimini

Vala … vuka
Ungavezi … ubuphukuphuku

VALA …UNGAVUMI
VUKA …UNGAVUMI …VALA
Watch out

Ngivumele
Ngibazwile bethi unguphuma langa sikothe
Cha he…eeh phela wena awukwazi ukothwa uwonkewonke
Ngivumele ngikothe ngedwa
Angikothe ngedwa, woza

Ngiyabezwa bethi ungusuka sambe
Thina-ke sobabili sukuma sambe
Ngiyabezwa ngibazwile futhi ngisabezwa
Bethi unyathela ngabantwana
Nyathela minake manje sengikhathele inzwabethi
Nyathela mina asinyathelane
Ngeke ngithi “ashu” uma nginyathelwa uwena
Ngizoforca ukuhleka noma ngabe sekubuhlungu

Ngivumele ngikwazise iqiniso eliqinile
Ngivumele … ngivumele ngikwazise
Okusemajukujukwini okujula kwenhliziyo yami
Ngivumele … ngivumele ngikuthathe ngikubeke
Wena uzongiph’indlebe
Ngivumele …

Ngivumele ngiwaqaqe lamaketango
Noma ngabe sekuhlengezela izinyembezi
Angiwaphimise la mazwi
Angupheqe lo mqingo wamafayela
Engingawufunda kuze kube ngiyawafulathela
Anhlamvana
Okwamanje ngivumele okungcono ngikwazise
Isihloko sale ndaba enkulu
Ngeke, ngikubheke ngoba kuzobuya le micabango
Engenza ngingalali ebusuku

Ngivumele ngikwazise iqiniso eliqinile
Ngivumele … ngivumele ngikwazise
Okusemajukujukwini okujula kwenhliziyo yami
Ngivumele … ngivumele ngikuthathe ngikubeke
Wena uzongiph’indlebe
Ngivumele …

Ngiyazi baningi beza kuwena
Ubagixabeza abanye ubagudlula
Ngicela ungangifanisi nabo mina, bona
Angikhohlisani … kholwa imina
Angidlali …angizile ukuzodlala la kuwena
Ngiyadlula kodwa uma ungivumela ngizohlala
Angiqambi amanga ngawafica ekhona
Kulomzuzu ngikhuluma iqiniso ngoba
Lona liyakha uma umuntu evunyelwa
Ababaningi abajwayele ukulikhuluma
Uma befuna ukuvunyelwa.

Ngivumele ngikwazise iqiniso eliqinile
Ngivumele … ngivumele ngikwazise
Okusemajukujukwini okujula kwenhliziyo yami
Ngivumele … ngivumele ngikuthathe ngikubeke
Wena uzongiph’indlebe
Ngivumele …

Vula indlebe ngifake lo myalezo
Lokhu akusikona ukudla kwendlebe
Kepha indlebe yakho iyona edla la mazw’ami
Lalela ngizokuxoxela ukuthi
Zizoba khona izinkinga, kepha sizofunda
Kulona lonke iphutha elizokwenzeka
Asilenzeni … asilusukele yize lungenze lutho
Kodwa bese silenzile sizoba utho
Kulona sizowuthola umfutho njengebutho
Asulenzeni mina sengivumile

Ngivumele … ngivumele
Ngikubonise nawe okubonayo
Ngivumele ngikwazise ngothando
Ngivumele ngikwazise ukuthi ngiyakuthanda
Ngivumele.

Uthando lwami ngawe
Sekunyuka iminyaka-nyaka
Ngizama ukukunyakazisa ngithi
Ngiyakunyonyobela khona uzoxakaziseka
Kepha wena uyangixaka nje ngoba
Umane ungitshele inya-ka-nya-ka
Noma ungangixakazisa uthi uyangixukuza
Ngeke ngikuxebuke
Ungixolele uma kuwukuthi ngiyangxambukela

Ukuthi nje inhliziyo yami i-xa-ke-ki-le
Angisakwazi nokuxoxa okungaphakathi
Enhlizweni yami ngoba wena uzongixoxa
Bese uyangixokiza
Nyi… Nx! Nyi… Nx! Nyi… Nx! …
Bese kuxoveka inhliziyo yam’
Uyazi angiqondile ukukubangela izixakaxaka
Ukuthi ngikhulumela umlomo wami
Phela umlomo wami uyisithunywa
Senhliziyo yami

Ha…hayi Ha…hayi
Hhayi ngoba ngikusaba… ungazikhohlisi
Phela wena angikushi..shi..lizi
Phela manje angisakusheli
Ngoba ngiyabona ngizogcina sengishelela
Okungcono angikushebe ngikushova-shove
Nalenkulumo mhlambe uzosho
Into ezongishukumisa.

Ocabange nje mina nawe, ehhe, mina nawe
Sesigibele igusheshe sidlala igumbagumba
sithi uma siligibele ezinye izimoto zisisigudlukele
kanti cha ukuth’imigwaqo iyaphambana
Ngithi uma ngifaka igiya namba 1, ngiphinde
ngifake u2 no3, sithi isandla sami uma
Sigudluka siwele kuwena bese uyahleka
Nami ngihleke besengihleka
Ukuthi uyahleka

Wena angifuni ukukukhohlisa kepha
Ngifuna sihlanganise izindebe sixoxe
Bese siphushan’izinyevu sivumelane
Kubenjeya kuphinde kube njeyaya
Bese siyajikajika sijikajike kube
Angathi siphuze ijiki kanti cha
Siyajikijelana nje.

Sekwale ngisho sengithumela otikoloshe
Ukuba bakuto..to..bise bakutotobisele ngakumina
Kwala ngisho inhliziyo isigqagqazelisa
Isifuba ishaya itoyiyoyi ngize
Ngithi “Uthando lwami ngawe” *3
“Thando ngawe, thando ngawe” *5
Yazi uma ngicabanga wena inhliziyo
Yami iyancibilika.

Sengiphelelwe amaqhinga sengicabanga
Ukuqhoqhobala uqhoqhoqho wakho
[crying] Kanti wena ungiqathazela nini?
Kanti wena uqhuma nini?.....
Ngyadlala ungaqhumi kodwa bengase
Ngiqhunyelwe uwena ngingaba yini?

Uma ngingcofoza izinombolo
Zikamakhalekhukhwini ngithi ngikuthinta
Emoyeni, wena umane ungiphendule
NgeSingisi.
Ngithi “Hi” wena uthi “Low”
Ngithi “How are you?” wena uthi “I’m cool”
Khuluma phela into ezongikhulula uma ucool
Bese ukhula ngokomqondo

Kepha ukhulele ngakumina phela.
Hhayi kulaba banye
Udlala ngami ngoba iNgilishi is not my
Mother’s tongue it’s my mother’s teeths
Ngithi “Hello mabebeza … swidadi… thambo
Lami lekhentakhi… Ngiyadlala
Thambo lami ehhe thambo lami
Kulowo mzuzu kumane kusuke ubuzukuzuku
Ngize ngifake ama-airtimes ami amabili, amathathu,
Amane, ayisithupha….
Hhay min’angisazi!

Ngiyaqeqemuka, ngiyaqeketha, ngiqaqa umqondo
Wami ngawe, angikufuni usuqothukile
Uzoqethukela bani uma usuqothukile?
Ngisho manje useyisibutubutu usamamatheka
Kuhle kwembali entwasahlobo
Angikufuni usukhathele, usukhwehlela,
…… ungaze ungikhahlele……
phela umkhuhlane uya..khu..khu..la
kuhle kwezikhukhula maybe kuhle kweTsunami

Girl come with me
You’ll never weakness
God is my witness
I’m not heartless
Although I may be penniless
But you’ll never depress
Your hips and lips will never feel loneliness
My lips, my nose, my eyes, my chest are
All the fans of togetherness

Woza… woza… ngipheth’iwozawoza
Ngiyazi uyazishaya ngami ukuthi
Awufuni ukuveza
Ngithande haw…
Lolu Uthando lwami ngawe


blind womans illusioned love song by THEMBEKA
they call me insane for saying i will see
for from my birth i have never seen
they say i am illussioned by these
conclusions of unfinished experiments
forgetting that i am not for experimenting
for through this darkness i will peep
through this blindness i will see
yes through your love i will conquer

i do not know you but the sound
of your voice comforts me
i have never seen you but the smile
on your face vanquishes my insecurities
giving birth to a new state of hope
i do not know you but by your touch
you have led me down my pathg
i now i know that i will see

i will see the sun rise above the horizon
live to see the lillies so, white so pure, so just like our love
yes I will live to see the stars adorning the velvety skies
and to see your face next to my face, under these stars as we...
yes my love i will see tomorrow
and tomorrow i will see because of you

BY Thembeka Madondo

When I speak I speak in tongues, but not tongues of prophecy but tongues of blamesphy
Even then I do not speak in my mother tongue but the tongue of those that are my oppressors
For my mother tongue they have come to term a sinful language
So you see I am not a product of nature or that of my mother
But I am a by-product of these sinful oppressions
So I embrace their sinful oppression with pride knowing that my pride is all I have

I am a child of AFRICA so when I speak with my elders I look down as a sign of respect
I bite my nails I write wordless words on the floor just to avoid their eyes
But they came from the west and told me that my respect was a sign of cowardice
That my gestures of respect told them that I am lying...
So which do I embrace... their teaching or my culture
For when I speak I speak in tongues but not tongues of prophecy but tongues blamesphy
Even then I do not speak in my mother tongue but the tongue of those that are my oppressors
For my mother tongue they have come to term a sinful language
And since I fear eternal condemnation I embrace their language with pride and I forget my oppression
So you see I am not a product of nature or that of my mother but I am a by-product of these sinful oppressions

umlomo ishoba lokuziphungela so I use this sword of words
Until they complement me on my culture blinding me with their smiles to the jokes they share
They say my words are pregnant with hope and they will feed me one day
They promise to take me international for my words represent me
My words are full of the respect that they condemn; they are full of my culture
But how can they if they are not the words that my mother fed me
How can they if they are written in a foreign language
ulimi engingaluncelanga kumama
But still I speak in tongues in the tongues of those that are my oppressors
Praying that their language which is sinfully oppressing me will yield to the words that produced

When I speak I speak in tongues, but not tongues of prophecy but tongues of blamesphy
Even then I do not speak in my mother tongue but the tongue of those that are my oppressors
For my mother tongue they have come to term a sinful language
So you see I am not a product of nature or that of my mother
But I am a by-product of these sinful oppressions
So I embrace they sinful oppression with pride knowing that my pride is all I have

I’m stuck between my culture and civilization I have to choose between my roots and the fruits I produced
But these fruits are results of thee roots and these roots were made for these fruits …
So which do I choose do I enjoy these pleasures of my labour and forget about who I am or do I stick to me and waste the fruits of my hard labour
I am but am no longer

By Thembeka Madondo



Hloma Hlomuka

Uma ngithi ngiyanhlanhlatheka kwamhlaba
ngizwa inhlokomo ngihletshelwa yizihlahla
onqenqemeni lwale ndlela zingazisa
ngokuhluma kwenhlakanipho kumuntu omnyama.
Ngizwa kuhlengezela izinyembezi uma
ngibona sekuhluma uqhekeko.
Ngibona, ngizwa kuheleza umoya wenhlukano.
Lwashonaph’uhleko lapho
kwakusineka ngisho umntwana engazi nanto?

Ngisho lapho ngisho ixhegu lexhegukazi
lalihleka linsinsitheke kuze kuvele elomhlathi
yize noma sekudlange izisini.
Laf’elihle kakhulu sekwavel’ogimbela kwezabo.
Ngisho esami, esakho nesaloyo; isisu
Isisusa sale ndaba phela ihlo
Liyahlola, lidlulise emqondweni, mlomo bese uyakhamisa
Ngasho, ngishilo, ngiyasho ngisazosho; isho nawe.

BoHlomuka ngicel’ukuhaya inkondlo …
Ngicel’ukumemeza lenkondlo kuhlum’ubumbano
Kuvuke izindlondlo nezindlovukazi zakoHlomuka
Ngizohlasela ngalamazwi wen’uzongipha indlebe
Hloma Hlomuka uzohlomula … hlokoma Hlomuka
Hlokoma Hlomuka alihlokome ibandla

Alingivumele ibandla bandla nami ngivule
ngivale, ngihlanganise ngehlukanise
izinyama ezingaphansi kwekhala.
Ngiqekethe ngiqephuze uze uqethuke.
Nginawo umlomo nawe futhi unawo
pho uthi mina angithuleleni ngoba angithwele
Ngiyakhuluma nje? Lalela Hlomuka.

Asazi mbhantshi kujiya phela lendaba
ijiyile kuhle kwesiqatha esigaywe kwanomasibanibani;
ngisho kwasibongo awaziwa.

Ngithi sengila weNgidi onginike ingidi
ngivale ngikhiye zonke lezi ezinye
izibongwana, zibongwa ubani?
Vele uma uphakama zonke lezi
ezinye izibongo ziyakhothama zibonge.
Zibonga nje zibophekile phela wena unguBophela.

Bopha izinkumbi ngebhande lobumbano
ngadlangadla edla ngamabala bese
sidla size sifinye ngendololwane sixoshe
ikati eziko.
Aliboni yini lona lizosha phela lomlilo
unganyelwe ubukhosi bangunaphakade.
Hheyi ngasho, ngasho, ngaphinde ngasho, ngishilo
futhi ngisazosho, awusho nawe.

BoHlomuka ngicel’ukuhaya inkondlo
Ngicel’ukumemeza lenkondlo kuhlum’ubumbano
Kuvuke izindlondlo nezindlovukazi zakoHlomuka
Ngizohlasela ngalamazwi wen’uzongipha indlebe
Hloma Hlomuka uzohlomula … hlokoma Hlomuka
Hlokoma Hlomuka alihlokome ibandla


Ngiyindlondlo nginguHlomuka
Ngingumlomo ongathethimanga
Ngiyinkosi ngokudalwa angibekwa
uzothi ungibekelani, ngizovuma ngoba
ngijabulisa wena ngiyabonga ukungcotshwa
kaninginingi ngibe ngingedwa.
NginguHlomuka. Lalela uzohlomula.
Hhayi ngoba ngiziqhenya ukuthi ngimuhle
nginguHlomuka, noma sengidiniwe ngeke
ungibone phela kugqitshwa ubuhle.
Angizenzi nami ungangizondi uzobe
uzihlukumeza ubuwena. NginguHlomuka.

Uma ngihaya lenkondlo phela uzongivumela
Angimenywa ngiyazifikela phela ukuvela
kwekhanda lami kuhlokoma izindimbane.

Hloma Hlomuka mina sengihlomile
Washonaph’u-Amen? …
Noma angabe angiwucelanga lo-Amen
vele inhliziyo yakho kade iwumemeza
kusukela ngivula umlomo ngihaya lenkondlo.
Ngasho, ngishilo, ngiyasho ngisazosho; isho nawe.

BoHlomuka ngicel’ukuhaya inkondlo
Ngicel’ukumemeza lenkondlo kuhlum’ubumbano
Kuvuke izindlondlo nezindlovukazi zakoHlomuka
Ngizohlasela ngalamazwi wen’uzongipha indlebe
Hloma Hlomuka uzohlomula … hlokoma Hlomuka
Hlokoma Hlomuka alihlokome ibandla

Ngibambe Hlomuka, ngibambe dade
phela wena wigazi lami.
Asiwanqamule lamathafa nezintabakazi
njengoba babenza obabomkhulu
Hloma Hlomuka … bambanani maHlomuka.


INSPIRED BY SEPARATION
LOVE ……..?!
Yes I mean love
L………..O……V……E
UTHANDO……?!
Yebo ngikhuluna ngothando.
Uyazi luyangidida uthando
Lungidida lungishiye ngididizela
Lungenza ngikhuluma izinto nami engingaziqondi
Kepha ngilindele ukuthi abanye baziqonde.

Love is an easy thing,
Easy to start but…. Wow it so hard to stop.

Sipho: Sthandwa sami ngiyathemba
Ngelinye lamalanga futhi ngiyalangazelela
Yebo hleze kuyokwenzeka
Lemifula esiyasha iyophinde igeleze
Uthando lwethu luyophinda luvuthe amalangabi
Njengoba kwakunjalo nasekuqaleni

Nomathemba: No ….no ….no my ex-lover
Ngiyavuma yayimnandi leyomnyaka
Zazinoju lezonsuku
Yayiwubisi leyomizuzu
Usangifumbathisa ithemba ngethembe
Kepha kusempilweni lapha
Akubuyelwa emumva kungemgqigqo
Kakusenakubuya kube njalo.

Sipho: Kodwa ntokazi emhlophe okwezihlabathi zolwandle
Ungakusho kanjani lokho?
Lapho ngisaluzwa luvutha amalangabi kweyami inhliziyo na?

Nomathemba: Mtanomuntu kangisenawo amaningi,
Kuphela-nje sala usuhlanza ngedela
Ubisi oluchithekile alusenakubuthwa
Izinyembezi nokubalisa kwakho akusenakungijika
Sala kahle sengiyahamba!

Sipho: Amaqhinga esekuphelele
Ungasenamumva naphambili
Lapho ilanga selikushonele
Namathunzi esewukela
Uyongikhumbula Nomathemba
Ithemba lakho selithambeme
Oqholosha ngabo sebekuqhelele
Ngaleyomihla yenhlupheko,
Usungiqalaza ngingasenakuqhamuka
Lapho usizi nomunyu sekuyingoma yakho
Yemihla ngemihla
Uyongifisa ngingasenakufumaneka
Lapho izinyembezi seziyisinkwa sakho semihla
Isililo sesiyihubo olihuba ubusuku nemini
Uyongikhumbula Nomathemba

Closing Stanza: Love is like a violin.
The music may stop now and then, but the strings remain forever

BY SIHLE NGIDI



Lo muntu

Kunalomuntu.
hhayi loyo, hhayi futhi loyaya.
Ngisho lo, lo muntu.
Angisho kodwa wena nhliziyo nawe
ngqondo ukuthi cabangani ngaye
phela imina kuphela okufanele
acabange ngaye lo muntu, lo.

Nhliziyo nawe ngqondo phela nina
ningakhohlwa ukuthi nakhelwa kimima
kodwa lokho akusho ukuthi kufanele
ningxambukele ezindabeni zami.
Niyezwa?
Asingaxabani-ke uma sengihaya lenkondlo.
Nawe ndlebe ngokunjalo ungangizwisi
izinto ezizongenza ngihline uma ngithi
ngiyajula ngicabanga lo muntu.
Okuzwile akugcine kuwena.
Angidinge spy and translator.

Ngisho lo muntu, lo
Hhayi loyo, hhayi futhi loyaya nalabo
Ngisho lo muntu yedwa,
Ngisho lo muntu, ehhe, lo.

Akukho suku lapho ngangiqala khona
ukumbona phela mina
naye before sizalwe seza la
emhlabeni saqale sahlangana
ezulwini sihlanganiswa uMdali omdala.
Ngoba sesila emhlabeni sesihamba
phezu kweziyalo zomdala.

Labo nalabaya ngiyababona kodwa bona
abangiyisi ndawo ngoba phela bona
ngabafica la emhlabeni sebevele behlabekile.
Mina ngihamba nalo, lo muntu.
Phela lo muntu uyahleka uma ngihleka,
ukuthi ngihlekani akayigqizi qakala leyo yena
phela kokunye uke ahleke ukuthi ngiyahleka
noma ngabe sengiqephuqephuza okungesemahlaya.

Uma ngivukelwa … ulaka ngihlanya
naye uvukelwa … ulaka ahlanye kodwa
asixabani phela thina isilona iqhude
nesikhukhukazi lapho uma uqhude
enganikwa aye ajahe usikhukhukazi
kube mapeketwane; singabakhulukazi.
Nomhlaba uyazi.

Uma ngisezinhlungwini isifuba sakhe
siphenduka sibe umqamelo wami.
Sihlanganise izindebe sixoxe ngetomorrow.
Ngisho yena, lo, lo muntu.
Kazi ubani owoba nesibindi nephaphu laso
asihlukanise ngoba thina asihlukani
sicomplex instead we re-combine and regather
uma sengibeka ngolimi londlebe zikhany’ilanga.

Hhayi ngoba sihlangene kepha sahlangana
nalo muntu.
Sahlangana kwabonakala ukuthi sihlangene.
Sahlala kwangahlambalazeka muntu.
Ungadideki angididekile dade:

Ngisho lo muntu
Hhayi loyo, hhayi futhi loyaya nalabo
Ngisho lo muntu yedwa,
Ngisho lo muntu, ehhe, lo.

Uma lo muntu ezamula phambi kwami
ngibona inhliziyo yakhe icakwe
ngokumhlophe kepha uma ezamula phambi
kwabanye bona ababoni nhliziyo futhi
isuke ibomvu.
Nabo bamane bafunde kwezabo phela
umbala obomvu usho igazi okusho ukuthi
uma bezihlanganisa naye uzobadla abafele.

Hheyi madoda lo muntu ngeke ngifa naye
noma kungafika iTsunami thina ngeke
isikhukhule nayo iyababheka abantu
enamandla yokubahlukanisa.

Lo muntu … lo muntu … lo muntu

Imemory yami isifull kodwa ngisaqhubeka
ngicabanga ngaye phela esengikucabangile
ngeke ngikususe uJesu angamane abuye
azolanda ibandla lakhe; kungal’ukwenza.

Elakubo limubhekile phela nalo liyayifunda imove.
Lo muntu ngiyacabanga ukuthi elakubo
limubhekile phela nenkukhu iyawusola umgqakazo:
Uyazi ukuthi ngicabanga ngaye.
Ngimuthanda okudlula yonk’into -
ngaphandle kwemali.

Nesilungu phela ngisikhipha ngamehlo
uma sengikhuluma ngezothando lokuthanda
lo muntu kuphela isiZulu bese
ngigoqa ngala mazwi.

Muntu come with me, come with me
You’ll never weakness
God is my witness
I’m ain’t heartless
I’m ain’t promiscuous
Hey you’ll never stress
Although I may be penniless
but you’ll never depress
Your hips and lips will never feel loneliness
My lips, my chest, my eyes
are all the fans of togetherness
For now it may seem less but one day if not weeks
you will see my love … my loveness …
ness … ness ngiyakuthanda moss.

Lo muntu … lo .. lo
Ngisho wena muntu
Ngiyamu …… uthando
Hey lo muntu



Ngiyawadabula
Excuse you mntwana okongihlahlele
le ndlela indlebe ngiyivulile.
Namhlanje akuhlukane inhloko nesixhanti,
kwenzenjani kanti? Kanti kwenzekani?
La mazwi ami ayizigidigidi
engikuposela wona imihla namalanga kanti aphelelaphi?
Loku kugidagida kwenhliziyo yami ungakubizi
ngesikhwele angikaze ngikukhwele kepha njalo njalo
ngikhwela ngidilika ngifuna ukufunda ubuso
bakhonjengencwadi kamasihambisane mtwana
mina ngihamba nawe, asambeni.

Excuse you ungangibizi ngesesheli;
angikusheli ngiyakubonisa phela mina angisheli
I’m a professional advicer kwezokushela.
Noma ungangincisha lolu thandwana lakho kodwa
ngesikhathi sisebancane uma sidlala umas’gcozi ngangiba
ubaba wena ube umama sixosh’ingane sithi azihambe
ziyothenga esitolo mbumbulu manje usuyangigolozela.

Hho excuse you mntanomuntu ngicela ungivulele amasango
enhliziyo yakho kungenjalo ngiyawadabula la mafind’othando

Uyangifaka noma uyangikhipha?
Uma ungifaka ngiyabonga ukungifaka enhliziyweni yakho.
Uma ungikhipha ngiyabonga ukungikhipha osizini lomzwangedwa.
Ungazinyezi phela wena umuhle njengonyezi
uma ngibona wena ngifikelwa usizi angizenzi.

Ntombazane ilotto phela le engikukhethisa yona.
Imain draw ukuthi uyangikhipha noma uyangifaka.
Ilotto plus ukuthi uyangigcwala noma uyangithanda;
uyangifaka noma uyangishutheka uma
ushaye esikhonkosini uzowina ivoucher yothando lwami

Ungesabi levoucher isezingeni eliphezulu ihlolwe
abakwaSABS for more informatan ungathinta mina
ku Aubrey@s’shimaneland.co.zimbabwe ngizokubamba.

Hho excuse you mntanomuntu ngicela ungivulele amasango
enhliziyo yakho kungenjalo ngiyawadabula la mafind’othando

Mangane usuyiphulile imithetho ka Jehova elishumi
uNkulunkulu wathi abantu abathandane wena ulokhu ungizulisela.
Ngizwile futhi kuthiwa uJesu uyabuya uzolanda ibandla
lakhe namhlanje ebusuku ngohalf past thengelakho
ngiqome lingaze libhubhe unesono ongasiavoida.
Futhi this time uma selibhubha uzobe engekho
uNorwa nomkhumbi wakhe khona mina nesikebhe esakhiswe
okwebhodlela lemellow-wood.

Ngiyazi uyazishaya ngoba usuzwile la mazwi ami ayashaya
usufuna ukuwaforwadela irazo yakho esihlanganis’ikhalenda
kodwa umuntu wesifazane imuzwa ngendaba njengoJosefa.
Hho nganeyendoda nowesifazane ukuqala kokuhlakanipha
ukuqom’u-Aubrey phela akasheli ngefacebook ushela ngezinga eliphezulu

Ngiyawadabula … dabula … ngisazowadabula


Umphako wendlela
Akuwona lo mtwalo okuwisa phansi
indlela indlela owuphethe ngayo ekuwisa phansi.
Bese uthi ufulathelwe abaphansi
kant’uwena awunamaphupho uzibukela phansi.
Bese abantu banshaya phasi
ngonyawo bakubhekisela phansi.
Awuna direction abazali bakho bahlale bebamb’ongezansi.
Ngithi vuka emaqandeni muntu waseMzansi
koze kube nini ukhothamela omaddam nobasi.
Bhukula seluchithekile ungalukhaleli lolu bisi.
Akugqame izenzo ungakhulumi kakhulu ungaze umile amapapisi,
azishe.

Muntu zama uhluleke kodwa ungehluleki ukuzama.
Ungabanaki abakuphushel’egodini noJesu wakhashelwa.
Uma unezifiso kodwa uvilapha zoshabalala
kuhle kombethe uthamel’ilanga;
kuhle kwamazolo ebalekel’ilanga.
Ayikh’imana eyophinde iqhamuke ezulwini bhukula
induku elukhuni ima esiweni.
Kunzima la emhlabeni
hhey wake-up wake-up ingane engakhali
ifela embelekweni.

Ake sithule lo mthwalo sibhukule sihlomele le ndlela.
Yize uvalo inqobo isibindi. Asishoshele nalo mphako wendlela.

Bathi intsha yanamhlanje ikhulelwa ubuthaphuthaphu
abasho kodwa ukuthi abesilisa bamithisa ubuthaphuthaphu
babizwa ngamasoka.
Abesifazane ibona abaningi abahola imali
yeqolo ngoba ibona abathwala izingane.
Mmmmhu angabe bazikhulelisa bona yini?

Upetrol unyuka cishe inyanga nenyanga ngaleyondlela
nemali yokugibela inyuka njalo kodwa uma
sewehlile upetrol imali yokugibela ayehli.
Kuhlale kugqugquzelwa ukuthi blacks must be
selected in our rugby and cricket national teams.
Kodwa angikaze ngizwe kuthiwa kuBafana Bafana akufakwe
abamhlophe.
Is it still affirmative action?

Mihla namalanga it is reported ukuthi abantu besifazane
bayahlukunyezwa kodwa uma umuntu wesilisa ehlukunyeziwe
kuthiwa indoda enjani eshaywa umfazi?
Abanazo yini izandla nematerial yokuhlukumeza bona?

Ake sithule lo mthwalo sibhukule sihlomele le ndlela.
Yize uvalo inqobo isibindi. Asishoshele nalo mphako wendlela.

It have been said and written ukuthi intsha
ihushula noma ikipha izisu.
Iziphi lezi zisu ezikhishwayo ngoba kusuke
kubulawa izingane ezingakazalwa.
Uma kukhishwa izisu kusho ukuthi phela
bonke laba abakhipha izisu abasenazo.

Lindani nibekezele noma kunzima ungaboni benza
bese uyenza nawe.
Liyez’elakho ithuba; asihlomele lolu hambo esingazi
ukuthi luyaphi futhi ligcinaphi, asambe kodwa.
Inkawu iyoze ihlangane nesikhwebu.
Noma ungaphumelelanga zama futhi ithunga
liyagcwala ngomphehlu.
Yizo Zulu, yizo mfethu ningasheshe nilahle ithemba
nenkonjane ize iqede indlu ngodaka kanjalo nomgodoyi
uze uwaqede amanzi ngolimi. Asambe

Ake sithule lo mthwalo sibhukule sihlomele le ndlela.
Yize uvalo inqobo isibindi. Asishoshele nalo mphako wendlela.

Asambe.




Laf’elihle kakhulu
Sekungena ngala kuphume ngale kuphume ngale
kube kungene ngala okusho ukuthi kufana nokuthi
akushiwongo ndlebe ndlebe kawuzwa
Yebo igula lendlela kaligcwali kodwa
eletsha yanamhlanje angathi alikho lona leli gula;
igulelwa amakhanda.
Ngisho sona lesi sizukulwane sama cereals,
amasamsung umsangano lo sizulelwa amakhanda.
Uyadela owaziyo.
Kazi iyozala nkomoni?

Hho laf’elihle kakhulu
kwakungenje ngezikhathi zobab’omkhulu
babengebakhulu kodwa isiko babelazi kakhulu.
Hhe lentsha yanamhlanje uthi uma uyithela uswazi
ithi inkomo kayimithi ingaphindwanga akanti
isinamalungelo ifuna ukukuqhatha nabakwasigonyela.
Ungaze ufunge ukuthi impi kamabonabulawe, inkukhu
nempaka kanti ingane nomzali.
Phela letsha yanamhlanje isifaka inyongo nesinye,
isithwal’ishoba.

Laf’elihle kakhulu
okusaketshezi sekuphuzwa njengamanzi,
asazi, abazi heyi angazi.
Intsha nezidakamizwa sekuwudwendwe lolimu namathe.
Usethi umzali uma ekhuluma nengane imane imgqolozele
emehlweni angathi angayingquzula ngempama ebe
engeke phela sekwaba khona umqulu womuthetho
sisekelo namalungelo akhona iBill eRight phela.
Umzali akaselutho umpheki usedla intuthu.
Ukuzala ukuzelula amathambo kwakushiwo njalo endulo
manje sebewuphemba bengawothi.

Hho laf’elihle kakhulu ngeke uzithinte uma
seziqephuqephuza ulimu londlebe zikhanya ilanga.
Angabe lingcono ngani lona?
Amaparties nasemanight clubs sekudanswa okwasa
Kwasa ngisho kungakasi.
Otsipa tsipa nodunu dunu kunwetshwe imilenze,
kuketukwe kuqethukwe kuthiwe woza wengculaza
sofa ngalokhu vele esafika ngakho.
Bhasobhani wetsha phela igqala ngobuhle ingcina ngobubi.

WeSihle ndoda emadodeni ngivumele ngithi angiyona
imbongi phela angibhongi, angiyena umfundisi phela
angifundisi ngiyaphasisa ha … ha hallelujah.
Ngivumeleni ngigeqe amagula nina nizongiph’indlebe.
Ngasho, ngishilo, ngisazosho, ngisasho namanje isho
… nawe intsha ididekile.

Sekwafika amacharma kwakhona abacharmekayo.
Ngeke ngisaligqoka ibhesho nesinene sami kuzothiwa ngiqaba.
Angabe ngiqale bani?
Phela abantu bamanje sebande ngemilomo njengembenge.
Imilomo yabo ihlal’ivulekile njengmilenze kaKelly Khumalo.

Uma ngibeka udaba kowesimame sekufanele ngitshengise
engenginako.
Hhayi ingamane ingangiqomi phela mina angingeni
kaEdigazi nakaMarkhamusi. Yey wentombi.
Mina ngithi Gegelegege ntombi ziyamugegela akukho
ntombi yaqoma izinyamazane sikhona.
Dudlu madolo kanyoko angithuki wena ngithuka lenhliziyo
yakho engithandayo kodwa umlomo wakho
awufuni ukuvuma.

Ononkiloyi, ondingasithebeni nosikhotheni sekwaba
insakavukela umchilo wesidwaba.
Ukudakwa sekwaba yisitayela uma ngingadakwa
kuzothiwa ngi-old fashioned.
Nisho yiphi ifashion, ubutabani?
Ubudoda nibusabani, kanti le mpilo ekabani?
Kanti emhlabeni nifunani?

Indoda nendoda yeyeni ubutabani;
owesifazane nowesifazane mamo ubutabani.
Kanti kwenzekani?

Okungcono azilime ziye etsheni ngoba akuyeki ebusheni
abantu sebesuka ebunganeni babeamakhehla nezalukazi.
Kanti we ma-Afrika sibhekephi.
Thina sabafana sibhekephi ngoba nina anazi nibhekephi
kodwa sobona nawa amehlo ekake umbombo.

WeSihle ndoda emadodeni ngivumele ngithi angiyona
imbongi phela angibhongi, angiyena umfundisi phela
angifundisi ngiyaphasisa ha … ha hallelujah.
Ngivumeleni ngigeqe amagula nina nizongiph’indlebe.
Ngasho, ngishilo, ngisazosho, ngisasho namanje isho
… nawe intsha ididekile.


WE ARE DIFFERENT
They draw an inference of what she did and does.
They draw an inference of him. An inference creation
created by a non-creator creature is to that creature’s
preference and perspective with a biased motive.

But the acceptance of the mind and the reluctance
of the brain b rainstorm a false mission backed by
jealously that jell-up the constituents and ingredients
of hatred.
She doesn’t mind of what their brains digest
wherenever she’he passes; whenever she’he crosses.
She differ in conduct and words because she is unique.
Different

I am being differed by their differences and inferences
of diffemation and the deafness of their minds and souls.
Whilst I’m being differed, she differ, he differ, yeah,
they differ because we are different.

We are different in words and acts.
I differ with these poetic words using different words
like Gxabhashe who is being called different names
in different areas.
I use these swords of words to murder their minds
with one tongue but to different people in one world
with different words.
Words of redemption and liberation of the people’s minds
of this nation have conquered my unique thinkings.

I don’t rent for these words
I am a poet I act in words so I utter these words
with no restriction.
They are quick to criticize but lazy and late to give
credit where it due because they fail to weigh the size
of I say, of what you say and they say of what
hey … we differ, we are different.

I am being differed by their differences and inferences
of defamation and the deafness of their minds and souls.
Whilst I’m being differed, she differ, he differ, yeah,
they differ because we are different.

Deceptions, life deductions, and downs of life differ.
You know wherenever there is light darkness cast
but through passion, patience, perseverance and pride
we pull progress to us and head forward.
Although forward we don’t know the wayward.
But we keep on walking like Johnny Walker who
intoxicates their minds and they fail to walk forward
and end-up following Mr Walker who is no longer
walking but he keep on dreaming as if he is walking in hell.

I’m a poet I use these swords of words of verbs
to address the residents.
Differed from a pornstar who use that body and get
fucked in front of underage children who enjoys looking
for as long as she knows she won’t reproduce she keeps
on screaming.
I am differed from a rapstar who use those words of insult
to insult whoever will buy the label.
And the blind world with no direction buys the label.
Differed from a male prisoner who is convicted of raping a
84 year old women and in jail learn the skill of sodomising
other male prisoners.
Differed from Black people who attend model C schools
and think they are white and forget who they are.
Let me remind you Black is black and that will never change.
I repeat myself Black is Black and that shall never change
don’t deceive yourself.
We differ in misconducts and conducts we conduct because
we are different.

If any of these words demean or defame your dignity
and well-being hey I don’t apologize for that or this.
I’ll rather apologize to the dictionary for almost using all its
verbs and subjects that make sense.
I’ll rather say sorry to the one who missed these poetic words,
the words that build and break.

Hey hey good people we differ. Differences,
inferences they draw, in our preferences, reluctance and the
acceptance of the mind and on our conscience we differ
in confidence.


I am being differed by their differences and inferences
of defamation and the deafness of their minds and souls.
Whilst I’m being differed, she differ, he differ, yeah,
they differ because we are different.

THE SAGA CONTINUES Majita nizongivuma

Umzansi Ngisazowushukumisa
Sekunyuka iminyakanyaka ngithi ngiyakunyakazisa
ngithi ngiyakunyonyobela khona uzoxakaziseka
kepha wena uyangixaka nje ngob’ungitshela inyakanyaka
Ungixolele uma kuwukuthi ngiyangxambukela
Noma ungazama ukungixukuza uthi uyangixakazisa

Ngeke ngikuxebuke
Ukuthi inhliziyo yami ixakekile
Angisakwazi ngisho ukuxoxa okungaphakathi
Enhliziyweni yami ngoba wena uzongixoxa bese
uyangixokiza bese kuxoveka inhliziyo yami
Uyazi angiqondile ukukubangela izixakaxaka,
angiqonde kukuxaka
Kodwa wena walokhu uzixaka uzixukuza nje
ngoba uyasazi isixazululo salengxoxo … uthando

Hey bafethu kunalomntwana engimfunayo
engifuna ayithole yonke into ayifunayo
ngesikhathi asithandayo ngoba konke nginakho;
Umlomo … soxoxa ngothando,
Ibhayisikili ngizomuhambisa emajukujukwini okujula
kwenhliziyo yami, uthando ngizomuthanda.
Uma ngingase ngimuthole ophezulu wongithethelela
ngoba for sure ngizowuphula umuthetho owodwa
kwelishumi.

Pho ngizokwenzenjani?
Ngoba nonke nina majita niyabanjwa niyabamba
kusuka ezimbanjeni udilike njalo uze ufike edawa.
Hey bafethu akeningimbuleleni izimfihlo zenu
Hey bafethu akeningivuleleni izimfihlo zenu
Nami ngiyafuna ukubhukula ngihambe ngimamatheka,
ngihleka..nyi..nyi..nyi..nyi..nyi …ngisineka
nothandiweyo wami.
Pho ngizomutholaphi ngoba ngiphethwe isifo esingalapheki?
... ngiphethwe isifo esingalapheki
... ngiphethwe ubushimane

Angifuni ukuyivuma induku ukuthi lomntwana
ngi…ya…mu…shi…shiliza
Ngiphethwe ubushimane.

Hey bafethu musani ukungisukela, hey bafethu musani
ukungibiza ngesishimane ngoba mina ngiziphethe kahle
ngisaba uNgculazi
Hhayi ngoba ubushimane bumi ngenxa …
angiphethwe ubushimane

Hey bafethu musani ukungisukela, hey bafethu musani
ukungibiza ngesishimane ngoba ngizothi uma sengishoshela
sengimushela lomntwana nizoshwabana nizoqala
nilokhu ningishalazela abanye benu boze bavukwe umona
baze bafune ukungishaya

Phela lomntwana angisamusheli ngoba ngiyabona
ngizogcina sengishelela.
Okungcono angimushova … shove nale nkulumo
mhlambe uzosho into ezongishukumisa

Hey bafethu umzansi ngisazowushukumisa

Kusazoshuba uma sengishosholoza nalomtwana
esefake umshuqulo wasekhaya
Nofisa ngisho ukumushutha uma esenehlulile
esenishukile nithi niyamucharma.

Hey bafethu umzansi ngisazowushukumisa

Shh … shh … shh thulani vele ngoba
anazi ngisazoshosholoza
nale nkondlo; leli vangeli ngisazolishumayela
ngalenkondlo kophela zonke izinkulumo, koba
khona ukugedla kwamazinyo uma sesifakana
imilomo sixoxa ngefuture bese kubanjeya
kuphinde kube njeya bese siyajikajika
siphinde sijikajike kube angathi omunye
wethu uphuze ijiki kanti cha
siyajikijelana nje

Hey bafethu umzansi ngisazowushukumisa

Ngisazohamba ngihambe, ngishone ngivumbuke
noze nithi nine shobolo kanti cha ngasho ngathi
oshukumayo asibhej’ishumi
Lomntwana ngeke ngimushwebe … ngizombamba
ngizo … mbamba

Hey bafethu umzansi ngisazowushukumisa

But not for now, for now I will forever, ever be isishimane
Because I shall never be umashiyakukhalwa
Hey ezweni kushubile ikakhulukazi uma ushoshela ngasemzansi
Okungcono ngibe isishimane khona umashayabhuqe ungeke
ungishobozele.
Intsha ivukelwe … uthando olungayi ndawo

Hey bafethu umzansi ngisazowushukumisa





Sengihlomile


IQEMBU LEZISHIMANE

Shukuma shukuma
Ngishilo ngathi umzansi ngisazowushukumisa
Manje sengihlome ngiyizingovolo
Angichomi phela angilona icharma
Yonke lento ihlangene la kumina
Ichakalaka ihalaal imix masala
ungasali asambe sgwadi let's
make a collaboration asakhe iqembu
lezishimane

Nizozibonela ngo “si” …
Hhayi angathi ngiyalahla manje
Nizobona ngamehlo
Hhayi ngoba ngiyisigwadi ukuthi
ngisaqinisa leliqembu lezishimane
ngisazulisile ngisafund’imove
ngibuka amamovie non-stop
ukuthi labantwana bamuva kanjani
ukuthi lamapantsula amuva kanjani

Uvalo obelungivalile ngiluvule
Nge-upper cut lahamba laya phezulu
Phela lolu valo beselingihluphe very much
okungcono angimashe
Besengikhathele izimpintshi zami zingipitshiza
noma ngabe sisemnyango uma sezikhuluma
ngaloluthandwana lazo lomaBebe …bhe ..beza
engingabazi futhi abangekho
bathi mina angiphumele emnyango
Ngoba mina angizazi lezi ezothando

Hhe! … ungaze ufunge ukuthi bayabanjwa
kanti basuke benikana amaqhinga okushela
IShelling 101
Abaz’ukuthi mina sengishaya am “Shukumising
Skills” 501;
I’m a veteran, senguMaster kwezokushela
Majita ngimdala kulendima nizongivuma

Shayan’ihlombe sengihlome ngiyizingovolo
Sengihlome ngiphelele
Shayan’ihlombe senguProffessor kwezokushela
Ngipheth’ovolo bothando … ehhe niyangizwa
Isheling ka-Aubrey iyavuthela … uvutha amalangabi

Zethameli, zebukeli, ngibukeni
I’m a rising Sheling Machine
Lo mshini wokushela nguthathe eChina;
the headquarters of ama-charma

Okay angingakhulumi kakhulu
phela manje sengikhuluma indab’enkulu
ukhulu uhleli yedwa ekhaya
Ngifuna umabhebeza ozomuphekela
Phela umsebenzi kababes ukupheka
bese ngenza “sure” ukuthi wandisa
umndeni ekhaya
Uma ehluleka ijazi ligcwala umoya
Phela elam’ijazi ngiliqgoka njalo
Angipheli moya.
Hhayi angathi sengikhuluma
ezabantu abadala manje ingane
ezincane aziphumele emnyango
abantu abadala abasale.

Shayan’ihlombe sengihlome ngiyizingovolo
Shayan’ihlombe senguProffessor kwezokushela
Sengihlome ngiphelele
Ngipheth’ovolo bothando … ehhe niyangizwa
Isheling ka-Aubrey iyavuthela … uvutha amalangabi


Thulani-ke sengiyamqala lamaskills
ami kuleSheling 101 ningawaplagiarazi.
Hu hahaha …nizoloosa iDP,
Copyright is
Before ngiqale …

Shayan’ihlombe ninginike umdlandla
Ngipheth’ovolo bothando …. For sure ngiyayithatha lewini

Mina-ke angizulisi ngihlala odabeni
Sure maBebeza igama nguAubrey
(Africa Unite Because Reconciliation and Enlightenment is for You)
Wangcwala umtwana ngibona ngokungikhophozela
Ngicela … ukukushela … ublind yezwa
Angisho ukuthi awuboni ukuthi nje hhayi ublind

Okay …Alright …Alleft
Ungakhophozi kanti uzokhophoza kanjena
Yini uma sesenzana … uthando?
Wezingane ngithe phumelani emnyango

Ikhala lakho liyangichaza angathi
ingqakala yomlungu
Isiphongo sakho eiiishhh… angath’ibhodlela
leSmirnoff livele esikhotheni
Cha uyangichaza …
Lomntwana akamuhle … kakhulu umedium nje
Ngeke ngibangiswe umuntu kuyena
umnyamanyamana angathi
umuthi wokuhlehisa icala


Shayan’ihlombe sengiwinile
ISkill nginaso
Shayan’ihlombe kulomaBebeza ngeke
ngibangiswe umuntu.
Lo maBebeza usezoncikwa yimina

Shayan’ihlombe sengihlome ngiyizingovolo
Shayan’ihlombe sengiyabanjwa … ukuthi
uma ngishela ngiyabheda
Shayan’ihlombe hhayi izandla is’shimane esishukumisa
ngezinga eliphezulu sesiyayideda lenkundla





Ngishelise
Uyabona manje sengihlome ngiphelele
amaSheling Skills ami ase-edithwe
i-expert ene-experience
ka-over 20 years, all the way from enhliziyweni
yami.
Hhiyo futhi le nhliziyo engibekele umnqamula juqu
ukuthi uma ngingayithathi le wini ngeke iphinde
ivibrate, isizogxuma manje.

Okay nami ngithe okungcono angizijwibe
Habe! It will drink to know me
Yazi le nhliziyo izophuza ukungazi.
Okungcono sengosala khona; heyi
azilime ziye etsheni
Let izilima cultivate to the stone

Lomntwana namhlanje ngizomucharma
Ngizomshela ngesiNgisi
I love you’s okusho ukuthi ngimugcwala
kaningi … ningi

Namhlanje usuku lokuthi ngikucharme, ufunani?
Ngizokunikeza phela mina ukucharma
ngakufundela le phesheya … komfula wangasekhaya
Lapho ngangithi uma nginyakazisa isiqu sesihlahla
ngibone kushaker ngisho amahlamvu azo.
Ima kanjalo ngikushuthe ngefoni yami
irole model entsha uzovela kuTV
Uchocolate kodwa ngeke uwuthole usulate

Uma uqoma ukungiqoma ngizokuthengela
Iphinifa le leather
Mina-ke nginodelela we adi …didas
Sizoba nezingane eziwu-12 khona sizoba
neteam kanobhujuzwayo, kodwa thina sobhubha
singezwa
Igama layo kuzoba Ikhuluma S’shimane FC
Unga ‘worry’ amareserves sizowa adopta

Nginayo imoto kodwa ihlale ikusevirce
futhi ayibonwa, phela ayiguli izolunga ngo2010
Hho sisakhuluma ngo2010 imali enginayo
leyo ebank, eMzansi account
Ezansi le eduze kwaseposini
Hhayi ngoba kuphakathi eposini
ukuthi iPosi Office noMzansi kuyazwana
Izindlu zabo zindawonye, zihlangene

Lomntwana namhlanje ngizomucharma
Ngizomshela ngesiNgisi
I love you’s okusho ukuthi ngimugcwala
Kaningi … ningi

Ngizokukhisa … ngizokukhisa uma uyokha
amanzi emfuleni.
Ngeke silale ocansini luyahlaba lubuhlungu
Sizolala kutriple bed, iKing Aubrey
Sizosizana, okusho ukuthi wena uzoba imemory
card yami uma ngikhohlwa.
Uyifake ekhaleni khona uzo-increasa ukucabanga
kwakho phela wena ingqondo yakho angiyitholi kahle
angathi isemthunzini; khona ungeke uze
ukhohlwe ukuthi imina ngedwa uBig Boy wakho.

Yazi angikholwa ukuthi kukhona umfana
owake wakushela ngezinga eliphezulu kanje njengami
Mi nawu uR10 ohlangene uthenge iburger eJubs,
ngisho igwinya.
Ungibuyisele ushintshi ka R8.50 ungaligwinyi lonke
lelo gwinya ozolithenga - ungishiyele

Lomntwana namhlanje ngizomucharma
Ngizomshela ngesiNgisi
I love you’s okusho ukuthi ngimugcwala
Kaningi … ningi


Mmmmmhu ohho awufuni … awugcwali
You are not full ngami
Kodwa vele nami bengizidlalela nje
Mina angikaka graduate kuShelling 501
bengithi nawe ngikwenza umuntu ebantwini
phela kuwena sekwaba ilegacy ukungashelwa

Eishi … kanti koze kube nini ngiyacharma
Ngiyashela kodwa ngiyaloosa njalo
Angathi kufanele ngihlabe imbuzi emhlophe
Ngirounde indlu yasekhaya ngikhiphe ibhadi
Mhlambe nelakithi lizongibheka
NgiyaGraduatha kuleShelling Course
uma ngike ngabanjwa



Dlala S’shimane
Heeh eh majita kudala ngigudla
Ngithe ngihamba ngahlangana nemodel C
Ngilibone ngo “si”
Alilihle kakhulu limedium nje
Ngathi ‘eita’ lathi ‘hi’
Ngimane ngabona ukuthi liqond’ukuthi ngihigh
ngisezingeni eliphezulu nani niyazi nizongivuma
Ngasengimane ngiyalinyusa ngaliph’imendlela
ngathi wena awulona imodel C wimodel Z manje
ukuthi awazi.

Lathi Oh! My god that’s an insult
Ngacishelwa ngadinwa ngagana iselesele,
leli model Z lithi ngigodi likasathane
Licathi angisifici isingisi kanti alazi
ngiyasifica isingisi: I reach English
Lizophuz’ukungazi: she will drink to know me
Hey wena …
Ngiyasishaya isingisi ngisikhipha ngamakhala
I hit English and I release by noses

Lathi lizongivulel’icase
Kulungile inqobo nje uma lelokesi linezinkwa
Nayi neprize yesinkwa imb’eqolo
ngibe ngingayiholi ngisho imali yeqolo
Futhi angithule kungaze kuthiwe ngenza
imodel C abuse kanti mina angi ‘abuzi’
ngiqondisa amagwegwe ezicwicwicwi
ziyangicika

Angilona Imodel C phela mina abantu abangiboni
ngo “si” bangibona ngamehlo ngimodel s’shimane
Dlala s’shimane
IDean yezishimane phela mina ngishela ngefacebook
Irole model yami uOsama Bin Laden.
Hey bolova al’bhubhe

Pibip pibip; basop basop ded’endleleni
ngifak’uforward ureverse udukile
Ngizodlala; dlala, dlala s’shimane
Hlokoma South Africa, hlokoma mzansi

Idiploma yokushukumisa ngiyiphothule sengibambe ongezansi
amasupps engibambe phansi ngiyasola nabaphansi
bebengibhekisele phansi
nalo mntwana ushaya phansi ngedolo uthi
ngeke amqome umfana onebala elimnyama njengami
ngizomandisela inzalo emnyama njengomlomo
kaJammie Foxx angaz’abizelwe amasosha
netear-gas kuthiwe ufuye imikhovu, weh!

Lo mntwana uthi inkomo ingazala iChina
ngeke as’khiye isishimane ngifuna ukugainer
i-experience la kuyena phela yena
akafundisi uyaphasisa,
akayibhemi uyayidayisa
boo al’bhubhe Zulu opink

Pibip pibip basop basop ded’endleleni ngifak’uforward
ureverse udukile
Ngizodlala; dlala, dlala s’shimane
Hlokoma South Africa, hlokoma mzansi

Imina umc hey bomrapper thulani umsindo
ngilindeni kakhulu ngisathumel’umsindo
wemms ngalecellphone
yami yakwaCell C “I miss u sindi”
the message is sent and then sengisineka lapho
kuze kuvele elomhlathi angathi kade ngihlafuna
ushwamu

Uma kuthiwa ukude angabe ngithi ntaba zikude
umasithela manje ukhona khona la kamakhelwane
usithwe yizihlahla kushukuthi angimane
ngithi zihlahla useduze umasithela.
Noma angazulisa laph’ekhona ngiyazi utholile
lo myalezo nayi nenetwork is full okushukuthi kahle kahle
imin’isilima im a fool.

Okwamanje ngiyazi mina naye sifana noMugabe noGeorge
Dabul’uBhushi kodwa mhlambe ngelinye ilanga sofana
noZuma ne Cosatu.
Sengingaze ngigez’izandla njengo Pppppppiiiiiilatu
ngiyazi ngeke angishaye nango call backs owodwa yize
uCell C unabawu7 ngoba her back is for izinkinsela.
Kodwa angipheli moya njengemilenze yomgijimi wase-Ethopia
(njengabafundi bakwa engineering betelekela amaDP)
phela mina ngineziqu zokushela manje sengenz’iMasters
ngi-expert kwezokusukumisa.

Pibip pibip basop basop ded’endleleni ngifak’uforward
ureverse udukile
Ngizodlala; dlala, dlala s’shimane
Hlokoma South Africa, hlokoma mzansi

Ibhayibheli elisha eliphume izolo Chapter 1818
ngokwezishimane verse 90 & a half lithi qom’u-Aubrey
ukuze izinsuku zakho zande ezweni. Albhubhe
Dlala s’shimane



Umntwan’osharp
Uma ngithi ngithath’ukubheka ngithi ngiyamubheka
lo mabebeza akabhekeki ubuso bakhe buhlale
bubhizi buyavibreta angathi bubhaziwe.
Okungcono angimubhalele inwadi ngesiBhunu
ngoba angathi akangizwa ngesiZulu.
Ek is … eish ngingaze ngizilum’ulimi.
Ngifun’ukubhula lamazolo abhabhadisa imedulla oblongata yakhe.
Useze washitsh’ishape yekhanda ngengebhola lombhoxo.

Kwathi angibhukule ngishay’itoyi toyi njengezayoni
zizungeze insika.
Nami phela ngiyamufuna owami khona ngizofudumala
ebusika njengofudu ngimbathe ingubo enamehlo nekhanda.
Inhliziyo yami idabukile njengamansense esangoma.
Lo muntu useze wabopha amagoda agqagqene uma
kuthiwa nguweatherman angabe ngithi lithe gqabagqaba
ngamafu.

Ekse majita kudala ngifun’umntwana osharp
Lo mntwan’ogrand one degree yo thando necare

Ngifuna lo mntwana oziphethe kahle ongalokhu ehla
enyuka njengeprice kapetrol.
Okungcono akehle wayawaya njengedollar laseZimbabwe.
Ngisho lo ngane ongasineki kodwa o’smila’ angathi une
BA yoku‘smila’ ayithola e-university of smiling and love.
Engizothi uma ngicula unkosi sikelel’i-Afrika athi
maluphakanyiswe uphondo lwakho Aubrey.

Angizishayi ngodla amakota angaze akhulume
kakhulu njengoLekota.
Mangithath’ukubheka umntwana osharp ilo ongayifuni
imali yempesheni yo grandfather ngoba yena usharp.
Othi bephethwe ikhanda angyigwinyi igrandpa kodwa
uphuza iskwashu neginger stone
ezama ukuzenza uSharone Stone
ngezikhathi zakhe nezinwele zakhe ezigingiwe.
Angagijimi ngoba uzohlangana nezimbila zithutha
ziholwa epink neyello phambili.

Ekse majita kudala ngifun’umntwana osharp
Lo mntwan’ogrand one degree yo thando necare

Hhilo oneskill sokuphika uma eshelwa ngezinga
eliphansi izishimane.
Mangane asibe munye njengezinweloe zeNdiya lase Bombay.
Angaphazami ngoba ngizomgqema ingozi engeqiwa
mpukane woze axoxele amagwababa echachana
ukuthi yena uyiwar veteran surviva idomestic
civil war … war … war violence
Woza asambe sengiqedile


Ngisazodudula
Selokhu ngibathe ngibathe ngithi ngithi
bangishaya emvakwendlebe onhlenhle
nabamsukelayo akamuhle-hle
uqhelelene nobuhle
Kushukuthi labolova abangithathi serious
ukuthi nami ngisezingeni eliphezulu
lokuthi ngibambe ngibanjwe
ngivale ngivalwe, ngincike ngincikwe
hey ngithande ngithandwe

Phela lo mntwana engibona sengimubanga
nabo ngazivusela ngazikhulisela yena
enganakwe umuntu.
Okokuqala lo ngane uyen’uyena, owokuqala
owokugcina mhlambe futhi uyena kuphela uMdali
ayedale ukuthi abe ubambo lwami.

Wayengashongo ophezulu ukuthi asimubange lo mtwana.
Bolova an’dede … an’dede otherwise nizokubona
okwehlel’uSaddam.
Angithuli ngoba nginishishiliza ngisazama
amaqhinga okunichiliza noze nichifize nizongizwa.

Ningibangiselani ngoba niyazi ukuthandwa kuyivela
kancane la kumina kuhle kwamazinyo eqhude.
Nith’omunye ngomthathaphi ngoba nalona
ngamthola ngoba eswele abazomkhulumisa
phela ngase ngiyagalela mina s’shimane esishukumisa
ngezinga eliphezulu kodwa manje labolova
sebeyangihlukumeza.
Niyazi is’shimane abuse lento eniyenzayo?

Shh … shhh du … du dudu nina thulani du;
Ngisazodudula
Ningabaduduzi uma sebedumele
Hey bafethu ngisazodudula

Lo mabebeza ungowami
Konk’okwakhe kungokwami
Udalelwe mina hhayi nina
Asingambangi-ke
Ngi-investe amashares kuyena
I’m the one and only shareholder,
Umbuz’umuthanda nay’uyazi amaterms and conditions
othando lwami naye akwicontract ebhalw’enhliziyweni yakhe.

Ngi-owna 99,9 and a half percent wothando lwakhe.
No50% wezindebe zakhe, u50% osalayo owokusmila,
ukukhuluma nyi … hi hi hi nokusineka, hhay’okunye.
Imilenze anyathela ngayo angiyi-owni-ke yona ngingudirector.
Konk’akwenzayo smiling included uproducelwa imina
Ungambuki um’ekhuluma ngizokucharg’ ivat netax
phela mina ngusound engineer wezwi lakhe.

Hey bafethu asingambangini lomabe … be … bebeza
Phela nina aninamashare kulomuntu
Futhi ngeke nikubone lokho lingawa licoshwe uKhanyisile Mbau.
Ngilifunge idlozi lezishimane
Hey majita an’dede

Shh … shhh du … du dudu nina thulani du;
Ngisazodudula
Ningabaduduzi uma sebedumele
Hey bafethu ngisazodudula

Bolova an’dede … an’dede … an’dede
Okungcono ngizonithengela isitimela ujantshi nizozizamela;
noma ibhanoyi uphephela nizozizamela.
Phela lo mntwana ngimthanda okudlula inyoka ithanda igundane.
OkukaGorge Bush ethanda imali kawoyela.
OkukaMbeki ethanda isikhundla sobumengameli.

Lo mtwana akamfuni umakhwapheni; ideputy yami,
phela mina ngupresident wothando lwakhe.
Isterling senjabulo nendumalo yakhe.
Hey mina ngizogijimis’indoda an’dede

Shh … shhh du … du dudu nina thulani du;
Ngisazodudula
Ningabaduduzi uma sebedumele
Hey bafethu ngisazodudula

Oqhubekayo ngizomvulel’icala for interrupting the
ends of love and contempt of ubushimane affair

Kusazoshuba
Wenzani lo angidlali nawe
Angijwibi ngiyajikijela
Injalo le ndabandaba ayijiki.
Le ndaba uma ngithi ngiyayijulela iyangijulukisa.
Mjita noma ungajabula kusazoshuba
ngisadl’amathambo engqondo.

Ngizogijimisa indoda akukho zinyane
lemvubu ladliwa ingwenya kwacweba iziziba.
Uthini lo anginyatheli ngiyagxoba,
angisheli ngiya-adviser

Kwaphela iminyakanyaka ngishela lo ngane
kwala ngisho sengimucharma 33 times
nge3310 ngine airtimes ka33c.
Ngimuthembisa izulu nomhlaba ngibe ngisahluleka
ngisho ukuzithengela i-All Star.
Wena umucharma ngemoto enesondo emhlane;
Hummhu cha cha sengiyaflopa phela manje;
imoto ayinawo umhlane uwena onomhlane
oqinile njengenyama yomhlwehlwe.
Umuthatha umufaka indandatho.

Hhawu ngeke … kusazoshuba
Oyishayile akakayosi
Oyosile akakayidli
Oyidlile udl’icala

‘Intsha zanamhlanje’ hhayi mtomdala awkahle
ngangingekho ebusheni bakho.
Lo mangane muhle ngokudlulele uma ungamuqhathanisi
namuntu phela uma umqhathanisa nabanye akafit
bona bagqok’u-extra large yena ugqoka umedium uma
bethi bayamkhava bethi nabo bagqok’umedium
yena ugqok’u-extra extra medium no extra small
kanyekanye.

Ningaqambi amanga nithi unyathela ngabantwana
ngoba yena unyathela ngezinyawo ukuthi lapho
enyathele khona kusalela amafootsteps ezinkanyezi
hho kambe khona nezinzwane ezinyaweni
phela nazo ziyanyathela kushukuthi kusalela
nezinzwane steps.

Ungamlandeli ngomfutho uzovukwa ihigh high bese
wehlelwa icd 4 counter sishay’icount down
namahumusha …
7, 6, mhhu kuyashuba, 54321 zawushaya kulova
… wayejah’intombi.

Heeh bolova fundani imove
ungazidonseli iloose uyibhekile.

Hhawu ngeke … kusazoshuba
Oyishayile akakayosi
Oyosile akakayidli
Oyidlile udl’icala

Hhhi … ngahlanya inhliziyo yami idabukile
njengamansense esangoma.
Ubuso bami bunyukubele angathi ngikhoth’imbiza.
Wenzani lo ngihlinyile angathi imbuzi ihlafun’ameva.
UMaster uma ethi thee my African diamond mina
ngithi though my South African load shedding.

Hhawu ngeke … kusazoshuba
Oyishayile akakayosi
Oyosile akakayidli
Oyidlile udl’icala

Hhawu ngeke …
The one who hit had not fried, the one who
fried had not eating, who eating,
eat the case.
Kusazoshuba.